El trentin nel domilienovantadó – Di Corlelio Galas

(All'amico, dopo il teletrasporto nel centro servizi di Trento)

- Diaolporco co sti sistemi novi de spostarse en zità se ciapa ogni volta en scorlòm… cramento… Perché te sai come te parti no, ma no come te arivi… L’alter dì i m’ha scargà coi pei en su, na téga en testa che no te digo
 
«Vara, anca mi sat. Po’ me sa che sen restai sol mi ti e ’l neò del por Bepi da Lundo a parlar en dialèt. No so, mi no capisso pu gnent: i se capìs a gesti, a slusori. E hat vist quel che se fa capir sol movendo i oci? Vara, na roba… pensa che coi oci el comanda anca el robot che zuga al so posto al compiuter… E se ‘l perde el ghe tol via subit le pile, capì come?”
 
- E magnar? No soporto pu quele pirole. Ma vot méter na bela ciopéta con denter na luganega a pasta grossa? Le tripe en brodo? Quele robe bone che ne feva i nossi bisnoni? La carne salada coi fasoi en bronzom? Sti chi no i sa gnanca cosa sia el bon. 
- Bever po'… Na pirola che val do bicieri de vim ross. Sarà, ma me par sèmper che ’l sàpia de plastica. L’era meio quando el saveva da tap o l’era emmarsalà. 
 
«Ebbem valà. Chi sem. Se no altro se se mala de men. Però che vita ela sta chi… laorar almen fin a zento ani per ciapar la pensiom… sempre che i t’abia pagà i contributi perché te sa bem no quel che gh’è succes al Genny, so neò del por Mario de Bedoll: sul pu bel gh’è salta tuti i dati del compiuter e ’l s’è trovà a scominziar de nof a pagar l’Inps, che no l’è peù quela de na volta, ma la sta per istituto nazionale previdenza spaziale… tute lassù, nel zél, i manda le meil… così le pesa de men nei archivi.»
 
- Oddio, no l’è che ai tempi dei nossi veci la nessa meio en fato de pensión per dir la verità…
 
«Sì, te gai reson ma no l’è quela so mare. Volevo dir: se vei denter en virus e ’l me magna i contributi no va ben dai, almen che ghe sia le so protezion oscia.»
 
- Va ben, dai, ’sa fat stasera?
 
«Ma dove vot che vaga vecio? Son anca stuf de viver en de na casa che par en cinema a tre dimension. Semper lì co sti telecomandi da schizar. 
«Ma diaolporco, almen i aves mess i tasti dropando la testa… no se pol meter quel del frigo vizin al coso che tira su la merda dal cesso dai…»
 
- Sì l’è vera. Ma gh’è de pezo. Pensa che l’alter dì la me sposa la fa per empizar la television cole robe de oio lì …
 
«De oio?»
 
- S i oleogrami, quei che te fa veder robe che no gh’è.
 
«Mi no i gò … ma li vendei el vecio Poli per caso?»
 
- Ma no, l’ho trovai nei bussoloti che te ciapi da quei che porta le pirole a cà. Gratis neh… basta che no te te lamenti dele pirole…
 
«E ’sa fai sti cosi de oio? I cine che par che te ghe sei lì in mez a lori no?»
 
- Ma dai…
 
«Sì l’è che se te voi nar a torte na pirola per digerir le pirole… te téi trovi sèmper en tra i zebedei neh... en gazer... de qua el leon, de là quel che sbara… e no i se sposta gnanca a butoni…»

- Propri en casin… Però dai, almén è finì quela storia dei telefonini…
 
«Ah te credo… se no i voleva zontarghela…»
 
- Te disi giust… ma digo mi ghe s’è volèst quasi otanta ani per capir che da quei agegi lì vegniva for i gorghi de onde che te bruseva el zervel?
 
«Ma sì tasi. Te ricordit i primi ani de quel casin? Zent che gireva per strada zercando le vecie gabine de la Sip. Sol che no gh’era pu getoni… ahahahahaha!»
 
- Però el so lato bel el gh’è stà en tuta sta fazenda
 
«Qualo?»
 
- Ma dai che l’è stà così bel per en po’ de temp no dover pu risponder al telefono entant che magari te eri empegnà en altre robe…
 
«Ah per quel… na paze. Pecà che l’è durada pòch»
 
- Zà, pecà. Propri quando tuti aven capì che prima, coi telefonini, te eri semper drio a telefonar anca per dir monae… i n’ha enventà n’altra
 
«Sì, tasi, valà … tasi, che quel chip foderà de ram e alumini che i m’ha ficà nel cul el me sbrusa ancora. L’è che i dis che ’l faga pu mal a tirarlo via.»
 
- Sì, anca mi ho provà… ma me sa che tra vint’ani i la capirà sat che le onde cative le vei su anca da lì.
 
«Sì, ma fin chè ghe sarà stronzi che buta… per vender sti rochei… Oscia tasi valà che me par che i me ciama… fat anca ti peti per dir pronto?»