Ma ’l sat che fa calt? – Di Cornelio Galas

L’acuta osservazione del nostro vernacoliere che soffre il caldo come noi

Fa calt, calt, de pù, fa così calt che 'ntant che digo che fà calt me par che faga ancora pu calt.
Po' empìzo la televisión e i dìs che mai come st'am fà calt, che doman farà ancora pu calt, che forsi tra 'n par de dì ghe sarà anca temporài. 
Del calt, se sa, ma de quei che te porta via le tégole del cuèrt. 
 

E dopo, passà ste tompeste, oltre a far pu calt che sarà demò anca de pù umidità.
Oscia, fa così calt che nela machina no sol me s’è colà el solit disc-orari de plastica.
Ma la signorina del satelitare a ’n zerto punto l’ha ma domandà da béver se no no l’avrìa pu dat indicazión.
Fa così calt che i tarzanèi sul cul i sbrissia.
E no serve gnanca empizàr la carbonèla per far le griliàde.
Fa così calt che i ventilatóri i se para l’aria a lori.
E i condizionatori de l’aria, na volta sbassà la temperatura nei locali, i ciapa le so strazze e i se sèra dénter nei frighi.
 
Diaolporco, fa così calt che la sera, per farme le tisane per dimagrir, basta che strùca la canotiéra ne la chìchera con zo i so filtri.
Fa così calt che en me vecio amico del Kenia, vegnù a trovarme en sti dì, el m’ha dit: «Cramento, ma dropè el riscaldamento anca d’istà? La gavè ben grassa a butar via tuti sti soldi.»
Fa così calt, putei, che te ciapa el zervel. Te deventi zidios.
E quando te lezi sul giornal che è brusà la tor del Dom te vei da dir «Oscia, va ben che l’è alta. Va ben che magari lassù gh’è anca en pel de vent.
Ma né al Pedavena a farve le luganeghe ala bràs, nelà…