Oscia, m'è scampà l'ocio sul giornal... – Di Cornelio Galas

Ma i lo sa tuti che la Lopio-Busa la gà le istesse probabilità de esser fata de quéle che gà l'Inter de vinzer la Cièmpions tra do ani

Sóm lì, al bar Primavera de Vignole che bévo el solito cafè... e me scàpa l'òcio su la cronaca de Riva de l'Adige.
Elamadòna... 'sa è suzés che i ha més el coprifuoco come en guèra?
Dropar la machina sol se no podé farne a mém?
A Pasqua? Diaolporco, no me pàr che sia vegnù zò dal ziél pali de fèr, anzi, l'è sùta, bisogna brevàr i fiori la sera...
Vòt veder che quel «quaranta per zento de delinquenti rumeni – così dìs el Di Maio neh, miga l'ultim del càr – i è vegnùi a far festa en la Busa?»
 
E se no deve esserghe qualche pont sul Sarca che ha zedù, se no vòl dir che gh'è paura de 'n teremot e alora i deve portar su la scola de legn fata a Amatrice, e se no...
Lèzo meio, me meto su i ociai. No, no sta arivando meteoriti o pèzo le bombe dela Corea alta... Gnènt de gnènt.
Sol che gh'è en po' de manifestaziom en Busa e alora gh'è... el solito casìm.
Ma osc'ia, l'è da trenta e passa ani che gh'è sto casim, per questo, per quel, per el Giro del Trentim, per la féra, perché l'è l'Assenzióm, perché l'è la Pentecoste, perché i todeschi i ricorda che s'è tacà ensema le do Germanie... o
 
O, el savém da 'n pèz che quando, come se dìs, i se «mòla» en zò, bisogna star en coa e no 'ncazarse.
I lo sa tuti che la Lopio-Busa la gà le istesse probabilità de esser fata de quéle che gà l'Inter de vinzer la Cièmpions tra do ani.
Ho capì. Gh'è anca quei del motocross al Ciclamino, quei de la ciocolata a Riva, quei che a Pasqua i vòl nar sul lach.
Ala fim me sa che sarìa meio far na stràa bela larga pù che per vegnir en Busa... per scapar da sto posto de mati pièm de machine e spùza de benzina.