Home | Rubriche | Dialetto e Tradizione | Pèzo che nàr de not – Di Cornelio Galas

Pèzo che nàr de not – Di Cornelio Galas

Verso le elezioni: una legge elettorale che funziona? Sì, come i vàucier, che quando i néva via come 'l pàm a mezdì, i ha dìt che i scherzéva…

image

Prima gh'era 'l porzèllum (forsi l'unico nome giust per 'sta lége), po' è vegnù el mattarellum (bòm a spianar le taiadèle dei partiti), nei ultimi mesi è saltà fòra l'italicum, el rosatellum (ma no l'è 'n vìm), el tedescum (ma a la 'talianàda, se sa).
No l'è dita che sia la vòlta bòna perché – anca se i dìs che Renzi e Grillo i parerìa nàr d'acordi su sta ultima soluzióm – zà gh'è quei che fa la pónta ai bìgoi anca su questa.

Se parla, se no l'avé capì, de la nòva lége per le elezióm de onorevoli e senadori.
Perché senza quéla no se pòl nar a votar. Anca se squasi tuti, a parole, i volerìa nar a votar domam matina. Ma perché i s'è 'ncagnài su sta lége da far?
Oh, entant, no l'è na novità, neh. Né a vardarme i giornai veci (se no i gavé i trové su Televignole). E vedré che de far na nova lége eletorale s'en parla da ani anorum.
E da semper i bega sul sistema de farne votar.
Zà, perché a seconda de la lége pòl cambiar anca quei che, coi stessi voti, vinze. Ensóma no l'è come quando se và a votar el diretivo de quei de le bòce.
Che se 'l Gino 'l ciàpa i pu tanti voti el devènta presidente e quei drìo i va' a darghe na mam nel diretivo. 

No, per nar a Roma no basta ciapàr anca dese volte de pù, méti,del Gino (che tut mal i só novanta e passa voti su zento e quìndese 'l li tira semper).
No, no, putèi. En cont, per esempi, l'è quel che i ghe ciama el «proporzionale».
Quel che se dropéva prima che 'l Marioto Segni l'enventés el magioritario. E n'alter apunto l'è el magioritario.
Dove, come spiegarvela? A 'n zerto punto i méte tut en d'èn scatolóm che se ciama coalizióm.
Dove gh'è denter diàol e aqua santa misciài. Che però i vinze e i va dopo a comandar l'Italia. Magari scortelàndose quando no i è 'n televisióm.
 
Ma perché i bèga su sta lége? Disénte che a qualchedum el fato de restar fòr da la porta se no l'ariva a 'n tot per zento, propri no 'l ghe và zò.
Altri i volerìa ciapàr tut quant se i ariva envéze a n'altra percentuale (alta). E altri ancora i è lì, tuti i dì, che i varda i sondagi:
«Osc'ia ne convegnirìa far na lége così e cosìta se volém vegnirgh'en fòra.»
Dàmela tòmela l'è come se st'istà, prima che scominzia el campionato del balóm, zugadóri, alenadóri e paróni de tute le squadre che zuga, i se trovèsa per cambiar le regole.
 
No so, per esempi, na squadra dove tuti i è picoi la podrìa dir: «Putèi e se féssen che no se pòl pu darghe de testa?»
O quei che gà zugadóri che córe: «Basta co sta storia del fuorigioco dai...».
E ancora, na squadra de tamàzi: «Se se ciàpa el balóm bòm, se se ciàpa i stinchi bòm lo stess no?»
E po' magari scortar le porte per quei che zuga fòra e slargarle per quei che zuga en casa.
Podér cambiarne óndese su óndese se propri no i va.
Punizioni senza zènt che stà en mèz tra ti e 'l portier. Tut a seconda dei propri enterési, se sa.
 
De sicur vegnirìa ora de scominziar el campionato che i sarìa lì ancora a begàr. Propri come i nossi politizi.
Del rest no l'è miga sol sta roba che se bèga e 'ntant no se combina na madona.
Prima i voléva tirar via (non del tut, se no...) el senato. E 'l referendum l'ha fat cascar zò Renzi da la tor. Dopo i ha fat i vàucier e quando i néva via come 'l pàm a mezdì, i ha dìt che i scherzéva.
Dopo, ancora, i ha fat la lége per quei che ghe ariva i ladri en casa... quela che se pol farghe qualcos sol de not.
 
E adès salta fòra che la finanziaria, cioé la lége pù importante, quela che decide se e quante tàsse dovrém pagar, la podrìa sbrisiàr a... dopo le elezióm.
Zà perché no se sa gnancóra quando se narà a votar: prima bisogna méterse d'acordi su la lége che disévo prima.
Quei che gh'è su adès de zerto no i vòl miga taiarse i zebedei con tasse e sacrifizi per i taliani neh.
Che no vegna fòr ensoma che la colpa, come semper, l'è de quei... de prima.
E po' n'altra roba: gh'è de mèz anca i vitalizi, en setember. Se se nès a votar prima, osc'ia, qualchedùm riscerìa de morir de fam cramento.
Ensoma, ala fim fim, vot véder che la nova lége la se ciamerà magnanèllum? Da magnaóra, se sa…

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande