Thèi, ma... no gh’èlo pù l'ospedàl? – Di Cornelio Galas

«Cosa fàla quéla crós sula Maza?» – Un dialogo realmente avvenuto ad Arco nel 2038

- Cramento, no me va la conesióm a Spazial- net, sat quéla do milioni de giga che la passa da la stazióm su Marte... che l'è zà vecia demò, perché prést i la fà pu svelta su Venere neh...
- Ah, basta che te vaghi zo en via Capiteli, a Arco, sat propri de front a dove gh'era la Vila dei Crosina.
- Ma, scolta, lì no gh'elo pu l'ospedal?
- Se vede che te sei stà tant a l'estero. Varda che l'è zamai squasi vint'ani neh, che l'ospedal de Arco no 'l gh'è pù.

- Ma dài... e cosa gài fàt al so posto?
- Ah l'è en centro gros de compiuter. El l'ha mès sù el Luca Catoi... te te ricordi no el Luca, quel che aveva fat la dita Grafiti, prima en via S. Caterina, po' ala Pasina... po' anca en Meric.
- Eh madòna, se no me ricordo del Luca! Bravo, fim da bocia. L'era con noi a far el prim giornalim eletronico, «Flash». Ma se vedeva che 'l sarìa nà lontàm neh... bravo, studià, lezù, tanta voia de far. Varda che quando i soi i gaveva la pizeria lì a Varóm, el portéva en giro le pize co l'Ape...
- Bèm, sì. El Luca l'ha mès su sto gros centro de trasmisióm spaziali, el gavrà lì me digo dozènto zóveni che laóra. E lì en d'en zacetàc i te desbroia subit da tuti i gazeri del compiuter.
- Som content per el Luca sat, propri el se lo merita... a parte che anca lù a st'ora no 'l sarà miga tant pù zoven de noaltri...
- Eh i ani i passa per tuti caro.
 
- Ma spiégheme, chisà quanti soldi l'avrà tirà fòra per comprar tut que l'ambaradam de l'ospedal...
- Ma valà. Secondo mi l'ha fat n'afaróm envéze.
- Eh osc'ia, n'afaróm adès... No stà dirme che i gà regalà tereni e costruziom dai...
- No, no i ghe l'ha regalà, però a sentir i polìtizi de Trent tut mal i gà guadagnà de pù a serarlo che a tegnirlo avert que l'ospedal.
- Spiegheme, spiegheme...
 
- Beh te te ricorderai no che i aveva tirà via el punto nascita, no? E prima anca la chirurgia che néva oltra l'apendicite e i pónti per i tai...
- Me ricordo sì, ma el rèst el gh'era però.
- Eh ma i ha scominzià en dì a dir che l'ospedal l'era massa grant per quel che 'l feva, che costéva massa mantegnir mèdizi, enfermiéri, ambulanze, quei che guida le ambulanze, laboratori, machine e machinote, mistéri per le lastre, la pneumologia che zà l'era stàda taiada a metà dopo i ani ale Palme, e po' zà se neva a Roveredo per engessarte bràzi e gambe....
 
- Va bèm, ma prima de sdèlfar dal tut n'ospedal...
- El fàto l'è che i s'è scòrti che tanta zent zamai la nèva direta a Roveredo e a Trent se la gavéva bisogn, capì come? Ensoma no i fèva la cóa gnanca pu al pronto socorso... Tanto, i diseva, dopo i me manda a Roveredo se la va bem. E alora perché no far na coa sol a Roveredo envéze che farne doe?
- E la guardia medica? E le cure per i vecioti? E tut el rest? Quei che curéva per el ronzegàr? Quei che féva nasser i puteloti en d'en tubo de vedro?
- Varda, per no savèr nè lezer nè scriver, te dirò che en me amico che 'l lavora a Trent ala Asl, el m'ha dit che tuti i dì 'l sentiva el diretor dir: «Ogni volta che nasce il sole ed entriamo in quell'ospedale di Arco cominciamo a perdere soldi. E siccome ci sono i turni anche di notte... praticamente il debito continua a salire. Meglio chiudere. Almeno risparmiamo sulla luce e sul gas».
- Robe da no creder...
 
- Envéze l'è nada propri così. La Provincia dala matina ala sera l'ha portà via tut quel che se podéva portar via. E dopo l'ha més a l'asta tut quant. La società del Luca par che co’ ‘na desina de milioni l'abia portà via tut quant.
- Osc'ia dese milioni... Ma set sicur?
- Sì, sì, varda dése al masimo, ma pòl darse anca de mém perché i deve aver tratà su 'n toch dove far apartamenti.
- E 'l Luca cossa ne fàl de tuti quei ambienti?
- Te digo sol na roba: la pista de sóra per l'elicotero 'l la dropa tuti i dì per i so clienti. Soto el parchegio l'è restà gualif a quel de prima. No l'ha miga dovù cambiar tant neh. L'ha tegnù anca el barét de soto per i so dipendenti.
 
- Ma scòlta, adès se uno el se fà mal a Arco, en la Busa ìn do valo?
- Hat vìst quéla spianada sul vecio curvóm dela Maza? Lì dove vei fòra la galeria per Lòpi?
- Sì, difati me som domandà perché i gà fat na crós rossa en mèz.
- Eco, lì dove na volta se portéva la sporcaria adès se porta quei che s'è fat mal. Ma miga zent che basta en ceròto o na garzèta neh... I deve star mal, propri mal..
- E dopo?
- I ghe d'à n'ociada soto quei veci capanoni dela diferenziata, sat dove te portévi anca le rame, l'erba taiada? Eco, lì gh'è en par de mèdizi e enfermieri che i te visita e se serve i ciàma l'elicotero. Che lì el gà tut quel che serve, propri de sóra... No cambia gnènt, en tre minuti i te porta a Trent neh. Capiset come?