Home | Rubriche | Dialetto e Tradizione | Se stéva mèio quand che se stéva pèzo? – Di Cornelio Galas

Se stéva mèio quand che se stéva pèzo? – Di Cornelio Galas

Te ricordet quando te nevi a far la spesa cola sportola? L'era lù che 'l peseva pomodori, ravanei e tut el rest e te li metéva el la borsa

image

- Tèi, hàt vist che da st'am che vèi bisognerà pagarse anca i sachéti de la verdura nei supermercài?
- Perché adès no se i paga?
- No, adès te paghi quei de carta, de plastica, che te pòi anca dropàr de nòf, ma quei de la verdura e anca dei pomi, dei naranzi te i sbreghévi zo dal so rùl, te ghe metévi denter en ogni sachet la so roba e po' te i pesevi no... ma no se paghéva el sachetìm.

- Però te pesevi la fruta e la verdura denter el sachét e alora te paghévi anca quel che peséva el sachet no?
- No sta dir monàe, valà. No l'è robe da butar en vaca queste. Perché par che ogni sachetìm i te lo farà pagar tra i do e i zinque zentesimi neh...
- Spèta, spèta...vol dir che se compro zinque verdure diverse, dropo come semper zinque sacheti diversi, i peso e dopo ala càsa devo tirar fora zinque per zinque zentesimi?
- Sì, no l'è che te vài en malora, se sa. Ma sàt, vintizinque ancòi vinqizinque domam e posdoman... Po', se t'hai tòt pù de zinque verdure, (che per el minestróm le serve) e te crompi anca pere, pomi e qualcos per la mazedonia... sat quanti sachetini te paghi?

- E no se pòl portàrsei da casa la volta dopo sti sachetini che t'hai pagà?
- Sèt mat? Sporchi magari...
- Sì ma i dròpo semper mi, i meto nel me sporch, capì come?
- No, no. I dìs che i à fàt na lègie su sti sachetìni bio....come se ciàmei biodesbregabili... no me ricordo. Ensóma, tanti ghe n'è sui rùli, tanti i deve eser pagài.
- E se nel tirarli zo no i se sbrega o i se sbrega mal?
- Ah càvoi toi me sa...
- Ma scolta, se fim adès i è nài envanti a na maniera, perché adès bisogn nàr en d'en altra?
- Sò bèm del bào... così i à fat sta legie nòva. E par che anca i capi dei supermercai no i sia tant d'acordi neh...
- Ah se sa che no i è d'acordi... ma fàme 'n piazér...
- No, no ho let che i capi del Poli, del Conad, del Sait... i scorla la testa e i spera che sta legie i la cambia.
 
- Ah se spetém che i cambia la legie sem a posto... no i è boni de meterse d'acordi a Roma gnanca su come se fa a contar le schede de le eleziom... te me capissi bem.
- No, ma i dìs che i zerchérà de vegnir encontro ai clienti en qualche maniera.
- Ah alora ho capì come la narà a finir. I te dà i sachetini gratis. Però i aumenta i prezi de fruta e verdura tuti dai do ai zinque zentèsimi... te verài che la narà a finir come te digo osc'ia.
- Dìsit?
- Scolteme mi, che na volta névo dal farinèl co la sportola. L'era lù che 'l peseva pomodori, ravanei e tut el rest. E po' néva zo tut nela sportola de me mama... l'era granda sat. E na volta crompada ala féra te la dropévi fim quando no la se sbuséva. E anca se la se sbuséva, con do ponti en crós...e via che nare.

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande