Home | Rubriche | Dialetto e Tradizione | Reclàm del VAV (va a votar) – Di Cornelio Galas

Reclàm del VAV (va a votar) – Di Cornelio Galas

Reclàm del SAC (Stè a cà) per le elezióm de doménega quatro màrz

image

 Reclàm del SAC (Stè a cà) 
Scusé se n'è vegnù en ment de far reclàm a l'ultim moment. Ma tanto i «nòssi» no i strangossa de zert de corer. Anzi, propri no i ghe pensa, domenega, a nar a votar. Propri per farne vinzer.
Del rest i sondagi i ne dà da 'n pèz sora el trenta per zento. Forsi anca de pu.
Noi sém quei del SAC (Stè a cà) ensoma quei che domenega, anca ghe fus en sol che còse le prée, i starà a casa, a magnar, bever, vardar la televisiom (ma sol cine o documentari, no quei che parla dele eleziom, se sa).
A noi la politica no la n'enterèsa. Difati no sem en partito, en movimento, anca se na specie de colaziom (o se scrive coaliziom?) con altri, al bar, l'avem fata: per esempi col BEN (bianche e nulle? Sì, ma anca bianchi e nosèle de l'aperitivo) e col NGNV (No ghe n'ho voia) e anca col NTLC (No trovo le carte) e col TNSAG (tanto no serve a gnent).
 
Se ne dé da ment luni matina sarém de zert el prim partito e tanti de quei che è stà votà i dirà: «Bisogna far i conti con quei che no è nà a votar, qualcos volerà pur dir se no i è nai a votar...».
Noi no prometem da ani gnent. Propri per no dover mantegnìr po' ste promese.
Noi no fém gnent così no sbagliém mai.
E sparmiém le encazadure perché tanto noi sarem sempre tanti e podrem dir dopo le eleziom: «Eco, no è cambià gnent, vist che gavevem resom a no nar a votar?»
 
E no fasendo gnent ne sentim co la cosiènza nèta, a posto. El so: dirè che l'è fazile far cosita, star for dai tovi, no sporcarse le mam co la matita ne la gabina. No l'è vera, perché bisogna esser convinti de no votar, o de votar la scheda senza averla gnanca sgrifada o con su scrit robe che no fa vinzer nesum. Ve ricorderé no quel che nela scheda el gaveva mes na feta de salam e scrit: “Avè magna for tut en Italia, magné anca questa valà”. Ghe se vol inteligenza per far na roba del genere...

Po' meté la sodisfaziom, dopo le eleziom, de nar en giro e dir: vist che tira, buta e mola sem messi mal come prima se non de pu?
Meno male che quel dì som nà a magnar el spiedo a Tremosine valà. Ah mi no ghe c'entro neh con quei che ades i ha més su a Roma.
E ancora: vist che l'è tut en magna magna? Voi veder se quei lì quando i è a Roma i vei ancora a trovarve, a domandarve el voto, a prometerve che i farà quest e quel...
Che dai, gireghe pur entorno, ala fim basteria sol en bom ragionier zo là. El varda come la Merkel la gà dit de far tornar i conti, el ciapa la calcolatrice e vei fora quant che dovem pagar.
De pu. No de mem. El rest? Monéa...
 
 Reclàm del VAV (va a votar) 
Ho lèt quel che i dis quei del SAC. E capìso ades che zerta zent, anca se l'ha fat le scole alte, la dovrìa ripasar la storia. Gh'è stà tanti che è mort per darne la posibilità de nar a votar, gavém na costituziom che forsi l'è la pu bela del mondo che la ne dà sta forza per cambiar le robe. Massa comot ciamarse fora, per po' dir che no cambia gnent.
Nar po' a votar per meter zo la scheda piena de sgrifi o come i te l'ha data l'è come torse la briga de ciapar el carèl del supermercà, nar denter, girar dapertut e vegnir fora senza aver comprà gnent: oh, l'era meio perder temp en de n'altra maniera.
No capìso po' sta voia de vardar, dopo, come la va a finir. Propri come quei che stà lì, sentai al bar, a vardar zent che bega, che se le dà, senza far gnent.
 
Sol per veder cosa suzede ala fim. Come se fussa en cine.
Che te smorzi se no te pias. Ah voleria veder se el nof governo, quel che sta zent no l'ha votà, l'aumenta le tasse, la benzina, i zigareti, la sgnapa, i zoghi co le machinete... tit quel che se dropa de pù.
Volerìa veder se i aumentés ancora i ani per nar en pensiom, quel che se paga en farmacia e a l'ospedal. E magari la metés tasse del sesanta per zento sula casa a quei che ghe n'ha pu de una.
Pu de tut però me piaseria veder se de colp i toles via la posibilità de votar.
E i metés su en general a comandar a bacheta tuti quanti.
En general che disés: «Anca se no né a votar mi comando, sol mi: e far zito neh.»

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande