L'aloe vera? – Di Cornelio Galas

«El me scusa, gavé chi da qualche banda, magari scondue en magazim, le botigliete de l'Aloe tarocada?»

Prima o dopo le bosìe le vèi fora. E meno male che gh'è sta ànda. Se no - penséghe su n'atimo - saréssem ancora chi a creder che i àseni i sgòla. Perché digo ste robe? Tut colpa dela me spósa. Che da 'n par de stimàne, quando la vèi de volta dal Poli, sì ensoma da dove la crompa le robe da magnar, da netar, per el cagn e altro, dove la làssa i soldi de la me pensióm per dirla tuta, la m'ha més nel frigo na botigliéta.

«La fa bèm, ne basta una al dì e te te senti meio... una al dì demò.»
Osc'ia, 'sa elo, aqua de Lùrdes?
Na matina averzo el frigo e la tiro fòra: «Alòe vera».
Cramento, me digo, se i gà scrit su che l'è quela vera la deve far bem dalbòm. E zo che la vaga.
Oh, la fà bem sul serio. Entant che te la bevi te senti anca dei tochéti de roba... par squasi scorze de qualcos. Però, dai, la se làssa...
 
Dopo na stimana de sta Aloe vera, ve dirò, me sento anca meio la matina.
La fà squasi meio dei naranzi. Varda ti déle volte...
E così som nà envanti fim algéri. Quando, a dirla tuta, ha scominzià a vegnirme en strano...cori cori.
Ensoma, denter e fora dal cèsso.
 
Ghe domando ala spósa: «Ma vat sèmper al Poli a tor quele botigliéte?»
E ela: «Dove po'?»
Ah bem, me digo, alora sarà colpa de 'n giro d'aria che ho ciapà al stomech quando ho portà zo el cagnot a pissar ieri sera...
Però me resta en dubi. Vardo nel sachét dela sporcaria dove ho mes le botigliete voide.
 
Le tiro su: «Aloe vera» gh'è su scrit.»
Gnent da dir. Quela l'è.
El dì dopo vago mì al Poli. E ghe domando a quel che ghe tende a quele robe lì: «El me scusa, gavé chi da qualche banda, magari scondue en magazim, le botigliete de l'Aloe tarocada?»
E lù: «Ma stàlo bem?»
E mi: «No, co l'Aloe vera me vei el cori cori. Volevo provar quela falòpa propri per veder se la fa l'istés malesser».
E lu: «Ah noi vendem sol l'Aloe vera. Per quela che 'l dis lu forsi l'è meio se 'l va dai cinesi... I gà la botega dozento metri pu envanti.»