Home | Rubriche | Dialetto e Tradizione | Discorsi dal barbér – Di Cornelio Galas

Discorsi dal barbér – Di Cornelio Galas

Se tuti i paghés le tasse… «Vinti euri? Cosa me fat senza ricevuda?»

image

Ale tante som tornà dal barbér a farme taiarme i cavéi.
Per la verità, quando no i era gnancora averti (i barbéri) gavévo fat en pensierim... a farme el coìn.
Ma la sposa l'ha bocià subit el progèto: «Che no te me deventi come quei veci bacuchi che pensa ancora de fàr pù fazióm coi cavèi bianchi ligài drìo el copìm neh...».
Ensóma ho dovù darghe da ment (o così o così, come sèmper) e nar a farme dar na bèla taiàda.
No ero pù abituà da 'n pèz però a quel che se dìs e se scolta quando se và en quei posti lì.
 
E a dirla tuta me sarìa spetà che se parlés ancora de sto maledeto virus.
E 'nvéze, a parte na discussióm con um che aveva desmentegà la mascherina, come èla come no èla, è vegnù fòra altre parlàe.
Quele 'mpizàe via, de solit, da qualchedum che pensa de esser pù lezù e studià dei altri.
Eco alora che se parte dala crisi scominziàda en febrèr, per colpa del covid 19 (quel de l'am pasà?) per tacàrghe le previsiom per st'istà e anca st'am che vèi.
 
«Me sa che da sto casìm – dis el studià – no gh'envegnìm fòra se i sèita a ragionar sule mìgole. Te poi enmaginar cossa te fai con zinquezento euri (se s'è en trèi) del bonus vacanza, sèmper che te trovi l'albergo che 'l te fa quel sconto lì.»
«Ma sì, l'è come la storia dei mutui tegnùdi en mùa... Prima o dopo te devi però pagarli. Fa cont che no ghe sia enterèssi, ma la leterina dala banca la te ariva – el dis n'alter. – E da chì ghe vòl pòch a parlar de mili altre robe: l'ecobonus (“tróvela ti na dita che la te fa tut senza che te ghe daghi gnanca n'euro de capara”), tuti i aiuti (per quest e per quel) promési dal governo.»
«Ma te pòdi enmaginar se st'autùm no la narà pèzo... I ha zà scominzià a farghe la gresta sule robe da magnar...»
 
Ensóma, dàmela tòmela, vèi fòra che ai piani alti, quei che comanda, no i capìs gnènt, no i fa le robe che i dovrìa fàr e quando la và bèm i scalda la carega per ciapar quei vitalizi che i doveva tirarse via e 'nveze i ciàpa ancora.
«L'è la solita menàda – dis ancora quel studià che par sia el sol a lezer i giornai – en Italia (i lo dìs anca i olandesi, e l'è tut dir) sem ancora mafia e mandolìm, ciapém da na banda e da l'altra ma va a finìr tut en qualche scarsèla. Sèm (o ne par de esser) furbi.
«Te pòi enmaginar se l'Europa la vèi da noi con i camiom pieni de euri... la volerà savér prima come e dove i spendém quei soldi no?»
 
E po' ala fim, come semper, la batùa: «Sbassàr le tàsse i dovrìa ale tante. Come i promete semper prima dele eleziòm».
Al che, quel lezù el vèi fòra co la so leziom de politica: «Basterìa che le tasse i le paghés tuti, no i soliti quatro moni.
«Ma ve rendé cont (el gh'era sul Coriere dela Sera neh) che metà dei tagliani la paga almen n'euro de tasse e l'altra metà all'agenzia dele entrade no i sa gnanca quanti che i è?»
«Giusto – replica n'alter – tuti quei che embosca i soldi a l'estero... cramento. Ma te me capìssi bèm che no se pol nar envanti cosìta.»
 
Ala fìm quel lezù l'ha finì de farse taiàr i cavéi. El va ala cassa.
«Vinti euri» – el ghe fa el barbér.
E l'alter: «E senza ricevuta quant me fàt?»
«Dàmen sédese e sém a posto così... Ma tòte quela ricevuta che ha lassà lì sul taolìm el Giani, méti che ghe sia fòra qualchedum de la Finanza... No se sa mai.»
 
Per mi l'è finìa chi. Ah, se qualchedum de la finanza o de l'agenzia dele entrade, el volés el nome del me barbér el sàpia che mi no ho vist gnent, no so gnent e se anca savés qualcòs quando è suzés sti fati... dormivo.
Perché a mi el fòhn el me fa que l'efèto lì. Capì come?

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande