Home | Rubriche | Dialetto e Tradizione | L'è meio votàr adès che tòrsela dopo – Di Cornelio Galas

L'è meio votàr adès che tòrsela dopo – Di Cornelio Galas

Vel digo anca en dialèt: de nar a votàr, cramento: «Voté quel che volè, ghe mancherìa alter, ma né a votar. Anca per el referendum»

image

Ancòi (dale sète de matina ale ondese de sera) e domam (semper da le sète de matina fim ale trèe de dopodisnàr) en Trentim se vota per i comuni e per el referendum sul «tài» ai parlamentari (sia onorevoli che senadori).
Da ieri, se Dio vòl, nele casséte dela posta no gh'è pù i santini. Bèi, per carità, ma se sa, quando l'è màssa l'è massa.
Anca se ho vist zent che li tèi via. No se sa se per savér chi votar o se per empizàr la fornèla quando vegnirà ale tante pù frét.
 
Scherzo, se sa. Meno mal che sém en democrazia. Che se pòl votàr.
Pensé n'atimim se no ghe fùssa le eleziom. Se ghe fùssa semper i stéssi che comanda. Vardé 'sa suzéde en Bielorussia tant per far n'esempi.
E alora la prima roba che me vèi da dir l'è propri questa: né a votàr cramento. Voté quel che volè, ghe mancherìa alter, ma né a votar.
Anca per el referendum. Basta dir sì o no a quela sforbesàda che i dìs de voler far nela camera dei deputài e en quela del senàto.
Ve dirò che dopo aver lèt i giornài, dopo aver vist tuti i telegiornài, mi, su sta storia del referendum gò ancòra da vegnirgh'en fòra.
Perché me par che tanti de quei che diséva sì (ala sforbesada) adès i dis no e viceversa.
 
De pù: par che ala fim taiando onorevoli e senadori se sparmia qualcos come 'n café per ogni taliàm compresi i neonati.
No so, fé en po' voi. No sóm mai stà candidà, no gò mai avù tessere de partito, ho semper zercà de star lontàm dai tovi dela politica perché me piaséva scriver sul giornal senza che nesùni podés dirme: «Ma tasi ti che sei de quei lì».
Pò, col temp, a forza de voler star per me cont, m'è vegnù entorno na strana malatia. Quela de quel che vol pensar e far de testa sóa, senza che nesuni i lo poda tirar per la giachéta o domandarghe qualcos en cambio de qualcos.
 
Diré: ma alora chi vòtit? Sarà anca en po' afàri méi no?
Digo sol che da quando per el giornale névo a tirar su i risultati de le eleziom ne ho vist de tuti i colori. Soratùt ai balotàgi.
Sì quando dói no i và pù en là de na percentuale e alora i deve far, come ghe ciàmei, i aparentamenti?
Eco, lì ho vist pù de na volta che sti aparentamenti i gh'era anca tra 'l diàol e l'aqua santa. Pur de nàr su. Pur de vinzer qualcos.
Per no parlar de le «cóe» de sti acordi.
Così che uno ghe no ghe dèvi gnanca en posto de guardiàm dele galine te tél trovevi vice presidente de na municipalizada.
Per dir. Perché l'è semper el dopo eleziom che conta. Che te fa veder come l'è finìa dalbòm.
 
Me ricordo anca quando gavévo parenti che se candideva.
Oscia el dì dopo i te savéva dir (no l'era propri na roba empossibile) se te gavévi dat el voto o no.
E l'era rogne dopo, perché và a spiegarghe che t'eri malà quel dì quando i so amizi i t'aveva enveze vist nar denter al segio de Bolignam.
 
Stavolta se va a votar co sta malediziom del coronavirus.
Disinfeterài la matita? La scheda? Gel prima e dopo? Mascherine anca denter la gabìna?
Che ve diga, tut mal mi vàgo a votar.
Me domando sol na roba: se i me misura la féver podo nar denter (se gò pù de trentasete e mez) o no?
No i misura la féver? Alora perchè i ghe la misura ai boci che va a scòla?
No so, anzi, ve savrò dir. Però vago a votar de sicur.
Perché ho semper votà da quando podo. Perché oscia l'è en dirito ma anca en dovér quel de votar.
Perché quei che no va a votar, dopo, no i pòl tòrsela disendo: «Varda tì, semper quei che va su, ma se pòl?»

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande