Home | Rubriche | Dialetto e Tradizione | L'è sèmper questióm de póli – Di Cornelio Galas

L'è sèmper questióm de póli – Di Cornelio Galas

I sondagi: Pù voti al Pd e dei so aleati. Pù voti al centrodestra. Pù voti anca al terzo polo de Renzi e Calenda. Pù voti a tuti, cramento…

image

Miga sol da adès... L'è zamài da temp che se i fa. Parlo dei sondagi.
Ensoma de quéle che 'n taliàm se ciàma stastistiche. Da dove vei fòra quel che i de pù i pensa su na roba. Tipo: chi votàr ala fim de setémber? El dìgo subit: no ne capìsso tànt de ste robe. Però me ricordo quando a Modena (no gh'era gnancora quela facoltà a Trent), a l'università de giurisprudenza, en professor el m'aveva spiegà la gàbola.

E cioè: la statistica l'è quéla siènza che la decide che se tì te gài do póli alo spiedo nel to piat e l'altro, vizim a ti, nel so piat no 'l ghe n'ha gnanca ùm... Vei fòra che ghe n'avé um per um da magnar.
El bèl ( o 'l brùt) l'è che l'é véra oscia. Ala fim, strùca strùca, la stastistica la dìs sta roba chi.
Perché la fa la... come se ciàmela...? la media.
Ensoma la tol da na banda e la méte sto tòch da l'altra.
Cosìta vei fòra che... ala fìm de la féra, sèm squasi gualìvi.
Anca se envéze qualchedùm s'ha magnà do póli e qualcun alter l'è restà co la fàm.
 
L'è anca vera, del rest, che nei sondagi politici (che deriva da póli?) no gh'è sol domande da dénter o fòra. Se no, no ghe sarìa tanti che risponde, per dir: «No savrìa chi votar» o «Tanto i róba tuti quanti».
Queste e altre risposte le và, de solit, messe soto la vóze: «No so» o «no narò gnanca a votar».
Che messe ensèma, le sarìa, sémper nei sondagi, quele de 'n partito che baterìa tuti i altri.
Ensoma: tra nulle, bianche e schede che no è gnanca stà sporcà... Vegnirìa fòra en sior partito. Un dei pù grossi, se propri non el pu gross.
 
Vòt méter? Pù voti del Pd e dei so aleati. Pù voti del centrodestra. Pù voti anca del terzo polo de Renzi e Calenda. Pù voti de tuti, cramento.
L'è che sti voti che no l'è voti votài, no se pòl contarli. E alora tuta sta zènt encazzàda, che no la fa pù a soportar zerte promesse del pit (mém tàsse? Grazie. Ma dove vat a torli i soldi che vei a mancar?) cossa pòdela far? Star a casa el ventizinque setember? Nar en ferie propri a caval de quela doménega? Spacàr a pugni la televisiom quando vei fòra i primi risultati? Far finta de esser content che tanti – come ti – no i è nài a votar?
 
Te me capìssi bém... l'è come taiarse i zebedei per farghe en dispèt ala sposa.
De pù: l'è come dir che nar a votar sia qualcos en de pù. E no na roba che – se dio vòl, ma anca se no 'l vòléssa – la ne tèi lontam da qualcos de brut che avém zà vist en Italia.
Gh'era qualchedum, ani endrìo, che 'l diséva de nar a votar col fazolét sul nàs. E no per starnudàr quando l'era en gabina.
 
Mi la vedo en maniera en tantìm diversa.
Cioè nar a votar, quel che volé, se sa. Pò però starghe drìo a quei che è nà su coi vossi voti.
Veder come i se comporta. Ricordarghe le promesse fate per nar su.
E sputanarli se no i fa polìto. Disèndo: «Tèi, mi t'ho votà diaolporco. Ma me par che te fai tut a l'incontrari de quel che te avevi scrit sul santim che t'hai més nela me posta. Crédit de far el furbo cosìta?»
 
El so che no la narà a finir en sto modo. Che quei che narà a votar magari i la ciaperà ancora nel cul.
Però, oscia, en qualche maniera quei che i sarà messi en zima ale liste i dovrà pur render conto a quei che i li ha mandai a Roma o no?
Ah, tornando ala statistica. Sté atenti ai exit pól. Perché l'è quando i varda come l'è nada a finir la questiom dei poli che ve disevo.... Ocio.

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande