Quando te gài problemi de càli – Di Cornelio Galas

Ho ciamà el Call Center de Trent… Ma me par che dei cali no gh’importa gnent…

- Come vàla?
«Tàsi valà, che dele volte me pàr che ‘l mondo, anca chi da noi en Trentim, ‘l sia nà dale bale per aria… no capisso pu gnent… ma forsi l’è sol ‘n pél de alzàimer, va a saverlo».
- Eh osc’ia, no t’ho mai vist sì cucià, co le recie bàse…
«L’è che me par che no se se capìssa pù tra la zent e alora…»
- E alora?
«Fàgo prima a contarte quel che m’è capità…».
- Forsi l’è meio.
«Bem, te sai che gò semper avù problemi coi càli no?»
- Elamadòna… el so sì, t’eri semper lì a ruscarte drìo su quela pèl mata…»
«Eco, en dì la spósa, péna vegnua a cà dal nof quartier dove sem en afìt a Trent, la me fa: “Tèi, Cornelio, sàt che en zità gh’è na botéga granda dove i va drìo sol a quei che gà i càli?”»
- Bela roba no?
«Spèta, spèta. Me fago spiegar bem dala spósa dove vegnirìa a star sto posto che va drìo ai càli. Ciàpo su le me stràzze e via…».
- Trovà subit?
«Ah no gh’era bisogn de domandar en giro. Scartabèi dapertut. Che me som dìt: vot veder che adés quei che gà rogne coi càli i è de de pù de na volta? Se no no i farìa ste robe ala granda…».
- E dopo?
«Dopo ‘cramento som nà denter. Oh, se vedéva subit che l’era zent specializada. Me digo che ghe sarà stà denter almen na zinquantina de dipendenti. Tanti zóveni tra l’alter. Tuti coi so compiuter e tacài al telefono. Me som dit: che maravéa rispet a na volta. Adés gh’è tute ste robe nove per guarirte dai càli. No l’è vera che la neva meio quando la neva pèzo…».
- Ensóma te te sei liberà dai to calì ale tante…
«Anca mì avevo pensà sta roba. Po’ quando um de quei de sta botèga granda el me s’è svizinà… ho capì subit che qualcos no néva per ‘l vers giust».
- Perché?
«Ma osc’ia, perché el m’ha dit en sach de robe tute en ingles. Senza parlar mai de càli…»
- Me par strani…
«Varda, mi l’ho lassà parlar. Po’ ala fim gò dìt: “Prima de ciaceràr da studiai, da lezui, forsi se ‘l ghe dà n’ociada ai me càli fem prima no?”»
- E alora?
«E alora sto zovenòt l’ha scominzià a vardarme de travers… Sat come i te varda quando t’hai bevù en bianco en pù la matina? Eco, l’istéss…»
- Ma ti avevìt bevù quela matina?
«Ma sì, en bianco co l’amaro co le patatine zo al bar del Gino… Gnent de che».
- E sto chì el t’ha tratà da ‘embriagóm?
«Te digo che podrìa esser so nono… epura el seitéva a sbraitàr, come se fussa capità nel posto sbaglià, come se fussa lì a roterghe le bale».
- No se fa così coi pensionai, diàolpòrco…
«Difati… a ‘n zerto punto gò dit che no l’era quel el modo per farse clienti… Tratarli cosita apena vegnui denter…»
- E come ela finìa?
«Som na via osc’ia, no l’è quel el modo dai… Tut mal me som scrit su ‘n toch de carta l’indirizo de quela botega e anca el nome. Gh’el digo mi ala Paola del Circolo Pensionai come i trata i veci chi ‘n zità che gà problemi de càli…»
- Scolta, dàmel anca a mi sto indirizo che ghe scrivo su na letera al giornal…
«Spèta neh… Eco… Call Center via Battisti 24 Trent… Hat scrit giust?»

Chiamare subito il Call Cente.