Home | Rubriche | Dialetto e Tradizione | Grazie, Franco, per quel che t'hai fat – Di Cornelio Galas

Grazie, Franco, per quel che t'hai fat – Di Cornelio Galas

Del Franco ghè sol da parlar bem perché del bèm ai altri lù 'l n'ha fat ancor de pù

Vèi da pensàr quando mòre quei de la to età... che par, squasi, che de sóra, semper che qualcùm lì ghe sìa, 'l se diverta a becàr i altri, sol perché demò l'ha sbalià. Ancòi l'è la volta del Franco Travàia, quel de Gambòr, su a Bolignàm.  Se parla de sòlit sol en bèm de quel che de colp no gh'è pù. Perché stà mal, denòr a l'òbit, ricordar beghe, bruti carateri, vizi, poche virtù. Ma co 'l Franco no gh'è st'imbarazi. Perché del bèm ai altri lù 'l n'ha fat ancor de pù.

Erem ensèma, ale prime scole. E zà alora l'ha conosù el dolor. No me ricordo se per colpa de 'na padèla de aqua broénta. O de 'n cafè vegnù for per sòra. Lù, picolìm, l'era de sóto. E sul col è arivà, come la lava, tut quel che no doveva propri 'rivàr.
Tanti i dì col so banch vòt. Tante operazióm a l'ospedal. Dopo, ale tante, l'era tornà a rider, a corer, ala ricreazióm. E anca a dar peàde drio al balóm.
Sarà anca per sto fato, me digo mi, che 'l me parèva pù forte de tuti noi. Lù si che 'l le aveva pasàe tute da no vederne mai la fim.
E quel modo de far, za da grant. Come se fus monàe star lì a begàr.
 
Sém deventài grandi, da quei ani lì. Gh'è chi è nà via. E quei che è restà chi.
Mi e 'l Franco n'erem trovai de nof. Sia en stràa, lu capo dele guardie del Comum («Stavolta no t'ho vist... ma no sta pu parchegiar così dai Cornelio») che per el giornal.
Per i gazèri dela zità, po' per le so corse, el so caro Vèl. Col fiòl campiom, co la so asociazióm.
E adès anca lù l'è nà, dove no se sa.
 
Mi credo però che ala fim (me piaserìa fussa così), qualcos resta en quei che vei dopo.
Del Franco Travaia de sicur è ancor chi, quei oci bòni e furbi ensèma. Quela voia de far, brigar per tuti che forsi doveva esser premiada de pù.
Quando lù no 'l gaveva ancora a che far co quel mostro catif che l'ha fat tribolar.
Fim a portars'el via, come se 'l fùs sol suo... gnanca 'l temp, per tanti, de dirghe: grazie Franco, per quel che t'hai fat.

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande