Home | Rubriche | Dialetto e Tradizione | L’autunno caldo gioca brutti scherzi – Di Cornelio Galas

L’autunno caldo gioca brutti scherzi – Di Cornelio Galas

«No me ricordo pù quando ha piovèst l'ultima volta e po' varda chi come som vestì...»

image

- Ehila, 'sa fat en giro sì bonora?
- Tasi valà che devo nar a brevàr...
- Ma brevàr cossa che sem 'n otober, dai contemela giusta almem.
- No, scusa neh, ma secondo ti èlo n'otober normale sto chi? Domenega gh'era zò a Riva zent che noéva 'n del làch, no me ricordo pù quando ha piovèst l'ultima volta e po' varda chi come som vestì... maièta co le màneghe corte.

- El solito esagerà dai. Che quando vèi su l'Ora te vei tut mal la pèl de galina...
- Sì ma 'ntànt se no te dròpi el sguazaòrt se seca tut cramento...
- Cossa mai gavràt ne l'ort che zamài i tòl zò anca l'oliva, che i pomi i è zà nei casóni e l'uva deventàda móst.
- Sì l'è vera, ma co sto càlt for de stagióm le piante no le capìs pu gnent. Come le bestie...
 
- Le bestie?
- Sì, do stimane endrìo, nèvo vers Roveredo quando se no stàgo atento ciàpo soto...
- En cavriòl?
- No, pu gros
- N'orso?
- Pu gros te digo-
- E osc'ia, 'n cavàl scapà dala stala?
 
- No, cramento, na girafa...
- E mi che stàgo chi a scoltarte, valà mona, bevi de mem la sera.
- Te digo che l'era na girafa. Ma quest l'è gnent. Ciapà quel spavento me som sentà su na bancheta lì al Soardi, sat dove se bala... bem, de colp sento come se qualchedum me stéss rosegando le scarpe...
- E chi erelo 'n leóm stavolta?
- No, do scimiéte picole... gò dat na pezàda e ale tante le è nade via
- Mah, secondo mi te te sei fermà al bar del Soardi...
 
- Bem, no te me crederai, ma vers Mori, dove de solit te trovi quei che vende le anfore...
- Sì, so dove...
- Eco, lì al posto de quei de le anfore no gh'era 'n negher che vendeva nòs de coco?
- Ma valà...dai.
- Te digo se sì, nós de coco e anca robete fate co l'ebano, scudi de pel...
- Te sarai nà per sbai a Gardaland.
 
- Tut mal ho crompà na desìna de banane. I le vendeva a na pipa de tabach...
- E dopo?
- N'ho magnà en pàr e 'l rest l'ho desmentegà 'n de l'ort, per tera cramento.
- Le se sarà smarzìe alora.
- Sì, difati co sto calt for de stagiom... le è nade. Alora l'ho butàde nela busa dela gràsa.
- Va bem, la so mort giusta, meno male che te l'hai pagàe poch.
 
- Sì, ma no te sai quel che è suzés en sti di chì
- Cossa po? T'hai vist de nof la girafa e le scimiete?
- No, vago en de l'ort a meter via i atrezi che zamai no gh'è pu gnent da laorar e...
- E?
- Osc'ia no me trovo na palma alta do metri con su quatro caschi de banane...
- Ma me tòt per sémo?
- No, l'è per quel che me tóca nar a brevar anca stamatina... perché sta vegnendo su altri do caschi de banane. Le è ancor verde ma... pitost che le patìsa la sùta... ah scolta, vot en casco de banane? Sat, a me cà no le magna nesuni. I dìs che le fa vegnir el cori cori...

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande