El dì dopo de Nadal – Di Cornelio Galas

I casi i è doi: o la và de vanzaròti a casa... O se va de nòf fora a magnar

Te te sènti encoconà. Piém. Con tut quel che t'hai butà zo nel stómech. Con tut quel che t'hai dropà per brevàrlo. Con quel che è vegnù dopo 'l cafè.
Ma soratut te te dài del mona: perché dopo tante diete a zona, a òm, 4-3-2-1 (l'è en schema copià da quei che zuga al balom: le baréte da magnar drio mam) te te senti anca 'n falì.

Um che parla, ciacera ma po' no 'l fa. Um che no ha dit de no ai antipasti, al pam, ale luganeghe taiàde zo fine fine... Ala pasta, ale zime de rava, ala griliada de carne..
E zó che 'l vaga el marzemin de Isera... Dai che n'em fem portar n'altra botilia, se ciàva.
E po' i contorni... E po' i dolzi.
Te te senti davéra come quel che voleva smeter de fumar e l'è vegnù fòra dal tabachim con do steche de zigareti... Eh, sat, soto le feste magari i sèra e se vei i amizi che fuma... Ma dai che te te fumi la prima steca prima ancora che sera i dalbom i tabachini...
 
La sera de Nadal, dopo le ciàcere coi parenti, i brindisi, el scartozàr regài, te te senti - se pòl dirlo? - come en rugant.
Che pensa sol a magnar, a bever, a fumar, a repetàr (nel cèso, se sa), a rutar (semper lontam, se sa) e a contàrte la solita storia: «Dai che almem a Nadal se pòl o no? Meti che sia l'ultim...».
 
Quel che me ciàva però l'è semper el dì dopo. Sant Stèfem.
I casi i è doi: o la và de vanzaròti a casa. O se va de nòf fora a magnar.
Ala fim no savrìa propri dirve cossa che l'è meio. Ve 'l savrò dir el prim de zenèr, perché ghe sem neh, dopo ste gran magnae, ste gran bevue... ariva anca el prim de l'am.
E subit dopo le tasse da pagar... tute ensema. Che de solit le passa via de tant quel che v'è vanzà dala tredicesima. Se l'è arivada, se sa...