Do ciàcere col vènt – Di Cornelio Galas

Òra del Garda, l'è zamài da ani che ne trovém tuti i dì, semper a l'istessa ora…

 
 
 
 
 
 
 
 
 
 
L'è zamài da ani che ne trovém,
tuti i dì, semper a l'istessa ora.
Lù 'l vèi su dal so lach de Garda

e l'è giust come n'orolòi svizero.
Che sìa frét o che che 'l sia càlt,
no manca mai qualcos da dirse:
'l tàca via spatuzàndome i cavéi
e co la solita caréza sula facia...
 
Po' par che 'l diga: «Vàrda 'n zó,
àt vist quante barche fago nar?»
E 'n quéla 'l me fa 'l vecio schèrz
de spaiàrme le pagine del giornal.
 
Quante vecie storie 'l me conta su,
de sta Busa senza tut sto casìm...
quando le stràe, da lù empolvràe,
le era asà larghe per pasàr coi cari.
 
Quando 'n zima al Castel de Arco
sol zaldo, vigne, pomeri te vedevi
prima che l'ocio el se fus stracà
de tut quel vert vers acque azure.
 
«L'è anca per tuti sti vòssi gazèri,
l'ha dit na volta su la me teràza,
che da 'n po' de ani som sì zidiós,
ah se podés spacar quei capanoni.»
 
A quei che no capìs sto so pensàr,
prima o dopo 'l ghe la farà paìr...
«Spèta ti, che vegna càlt stófech,
mi vegno sì, ma se i me dà resóm.»