Home | Rubriche | Dialetto e Tradizione | Sa fàt da bèl el prìm de màgio? – Di Cornelio Galas

Sa fàt da bèl el prìm de màgio? – Di Cornelio Galas

«Quel che fàgo sèmper da quando som en pensiom, oscia, do passi col cagnòt, el giornàl, i zigaréti, po' a casa magari a vardar quei che sóna en televisiom...»

image

- Ciao Cornelio, 'sa fàt da bèl el prìm de màgio?
- Quel che fàgo semper da quando som en pensiom, oscia, do passi col cagnòt, el giornàl, i zigaréti, po' a casa magari a vardar quei che sóna en televisiom...
- Solito tràn tràn...
- Sì, pù o mém, anca perché, a parte 'l scriver monàe sul compiuter, resta bèm poch da far neh...
- Eh dai valà, gnanca do ràgi de briscola al bar? Gnanca do ciàcere coi amizi?
- Eh caro l'è cambiàda la storia. Po' la spósa la me controla ogni dì. Prima la presióm, po' quanti soldi che m'è restà quando torno de volta... l'è finìa la pàchia dei spritz, dei giri de bianchi.
- Ah te sei méss propri bem...
- Tàsi che no l'è miga finìa chi...
- Elamadòna!
 
- Na volta i pensionài se no alter i podéva fermarse davanti ai cantéri del Comum, sat quando i spachéva le stràe per meter zo i tubi novi? E lì l'era bel scominziàr la solfa: «No, no, no... no l'è così che se fa.» Con quei che dopo i te coréva drìo col pich... Almem se fèva do risàe e anca ginastica. Adés l'è da 'n pèz che no se vede gnanca quei che cava su 'l sfàlto rovinà per meter zo quel nòf cramento. No se pòl miga nar zo 'n campagna a criticar quei che tòl zo pomi neh...
- Va bèm, ma ti che te scrivévi sul giornàl te podréssi mandarghe qualche letera per dir la tua no?
- Ma benedeto... te prego valà, che anca chi en Trentim no se capìs pù gnent de quel che suzéde.
- Ma 'sa disìt? Varda che ghe n'è questióm empizàde dapertut...
- Ma fàme 'n piazér valà, no stà parlarme de politica e gazèri vari...per esempi quel comunista...
- Ma se no ghe n'è pù de comunisti en giro...
- Alora perché gh'è semper en bal Rossi
- Ma quel l'è del Patt, le stele alpine...
 
- Ma valà che sol dal nome no 'l me par gnanca dei nòssi... e tut mal se l'è nà su l'è sta grazie a quei de sinistra no?
- Sì, quela l'è n'altra storia. Par però che 'l la veda grisa per st'autum.
- Perché se métel col Grisenti?
- No, l'è per dir che tira mòla e buta sarà difizile che 'l vaga su de nof.
- Te l'ho dit, no se capìss pu gnent. E miga sol chi neh.
- Del rest anca zo a Roma no i è né fodrài né embastidi...
- E l'è anca quel che me fa girar le bale...
- Perché?
 
- Oscia, perché na volta se piovéva se diséva...governo lader. Adès no se sa gnanca a chi darghe la colpa de sto temp mat che piove, fa calt, piove de nof, po' vegn el vent che te porta via cramento.
- Su questo te dàgo resóm, ma no stà creder che la se cambia l'anda neh...
- Te dìsi che farà brut anca st'istà?
- No, forsi 'l temp el se mete a posto prima o dopo, ma me sa che per el governo en vedrém dele bele...
- Difati i nossi veci i lo diseva: quando sula poltrona te meti 'l capèl, per tirate via da lì i deve cavàrte la pèl.
- Bòm valà, vèi che ném a beverghe sora...
- No podo, la sposa la m'ha lasà sol do euri en scarsela...
- Ma te la pago mi la spuma dai... che ritaca via a sgozolinàr, governo... governo del pit.

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande