Home | Rubriche | Dialetto e Tradizione | L’Adunada dei Alpini – Di Cornelio Galas

L’Adunada dei Alpini – Di Cornelio Galas

«'Sa suzéde che gh'è bandére taliàne dapertùt...?

image

- Osc'ia, l'adunada dei alpini a Trent, dai che l'è mesi e mesi che se 'l sa, che i lo dis en televisiom, i lo scrive sui giornài e... anca sui muri demò.
- Meio no vegnir su per Trent alora me sa, chisà che gazèr ah?
- Vàra che ho fat anca mi la nàja coi alpini, coi muli su a Toblach, al Tasi e Tira neh....
- E 's'àt emparà?
- Pu robe de tì che no i t'ha gnanca tòt, mona... Gh'è bastà darte n'ociada, méterte la mam soto le bàle e farte tosìr... I ha capì tut.
 
- Ma valà che no te sai gnanca quel che te disi... Scolteme envéze, chisà che casìm nei bar, dove se magna, con tuta quela zent...
- Ma no. I ha tòt via anca el divieto de dar fora vim e bira... Propri per st'ocasiom.
- Bela roba, così ne troverém de nof quei puteloti embriaghi che pissa sui muri dela ciésa dal dì oltra che la nòt.
- Oh varda che i alpini no i ha mai alcolizà i mateloti, òcio a come te parli, a l'augen....
 
- Te voleréssi dirme ades che ai alpini no ghe pias el vim?
- No ho dit questo. Però me ricordo me nono quando col so capèl da alpìm el me porteva ale so adunàe...el neva denter al bar e la prima roba che 'l diséva l'era: En rosso per mi e na spuma per el bocia, capìssit come?
- Sarà... Ma me sa che ala fim dela fera gh'en sarà tanti onti e bisonti...
- Perché quando no gh'è le adunàe la sera, soratut vendro, sabo e domenega, no ghe n'è de quei che gà 'ntorno le scimie?-
 
- Ho capì da che banda te stai, ma come la mètit con quei che la gà su coi alpini, soratut su dale bande de Bolzàm?
- Te digo sol che mi la naja l'ho fata proprio en quei posti su lìve. Enséma a quei che ghe ciamévem tamòchi... todeschi ensoma. Qualchedum 'l li ciaméva anca «giali», no savrìa dirte perché. Tut mal se néva d'acordi. A parte quéle volte che magari i trinchenéva en po' de pu bira del solit... Sì, gh'era qualchedum che 'l gaveva la bàla cativa eco... Ma anca i nossi quando i era carburai no i scherzeva neh-
 
- E 'sa suzedeva alora?
- Te dirò. Na volta che avevo questionà con um de questi per ma monada...de not sento come en strano sfrisàr dela branda.... E me som trovà col me paiòm nel cèsso... ensoma.... bastéva sol tirar l'aqua per dir...
- Elamadòna... Bruti scherzi...
- Sì ma dopo se i se rendéva. Dentifricio nele scarpe, um serà denter l'armadiet che deventéva en giù bocs. E alora te ghe metevi denter da na banda na monea da vinti lire e te ghe disévi: Canteme i Pink Floid...quela del Mur. Robe cosita.
 
- El nonismo, ho capì, brute robe...propri bei esempi...
- Te gài resom. Difati na volta um el s'è spacà a posto el pols per nar a casa...enveze l'è finì a l'ospedal militare de Verona... Dala padèla ale bràse... O come quela volta che ero tornà a casa dopo no so quante guardie al frèt a San Candido... Quel e 'l fumàr... M'era vegnù entorno na dòja che no te digo. Me papà cossa àlo fat alora? L'ha ciamà i carabinieri. E quei i ha ciamà n'ambulanza dei militari e zò a Verona... Co le suore che le era pezo dei generài...ah gh'en sarìa da contar.
- Enmagino. Ma perché no vàt alora a l'adunàda de Trent?
- Che vòt che te diga...gò semper paura d'encontrar quel sergente dal pit...che prest ghe sbarévo quando fèvo la guardia a Bresanóm...
 
- Cossa hat combinà?
- Sto chi el feva el giro a controlar le guardie no, e i ordini i era semper quei: alto là chi va là, po' de nof, po' se quel che te vegniva a controlar no 'l diseva la parola d'ordine te dovevi sbararghe... E nel fusìl, nel garand no gh'era miga capéte de goma neh...
- E ti cossa hat fat alora?
- Sto chi el vèi envanti... El vèi e no 'l se ferma, no 'l dìs gnent... cramento ho sbarà squasi tuti i colpi ghe gavévo per aria...
 
- E l'altro?
- L'ha ciapà na stremìa. Se vedeva che l'era bianch come na pèza. Ma dopo, forsi per vegnir fòra dale so strazze cossa àlo fat sto semenìto?
- Cossa?
- L'ha fat raporto sul fato che mi avrìa dovù sbarar drit e no per aria en quele condiziom... me som ciapà zinque dì de cèla de rigore.... che ho dovù far en pù ala fim po' se sa... e no so se adès, se 'l me vegnis de nof al vers, sbarerìa ancora per aria sat... forsi en po' pu vizim, giust per farghe fisciàr le recie per semper.
- Ma àt almem emparà qualcos soto naja?
- Te dirò. Quando m'è arivà la cartolina zà lavorévo al giornal. Arivo su a Meram. I me dà la divisa. Po' i domanda: chi elo che sà scriver a machina? Osc'ia subit su la mam mi... E i m'ha alora mandà a starghe drio ai muli. Forsi i avrà pensà che sicome savevo zà scriver co la machina podevo emparar a far qualcos’altro no?
 
Foto d'altri tempi: Cornelio Galas in compagnia di Guido de Mozzi.
 

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande