El trentin e 'l grata e vinzi – Di Cornelio Galas

«Oscia, come i cambia quando i devènta siori ah? I devènta malmostosi, spilorci, zidiosi… Eh valà… cossa hat vint po…?»

(Entra in tabaccheria)
«Do pachéti de emmesse, pachéti dùri no moli neh… po’… po’ dame en turista da dése valà…»
 
(Il tabaccaio)
«Oscia ho finì i turista… Gavria Botta di fortuna…»
«Ma sì dame quel valà tanto chi no se vinze mai gnènt… Sarà meio che vaga zò ala staziòm… Lì i continua a vinzer… Me digo che a ti i te dà i biglieti difetài… Strano, te sei anca en mez teròn… Te dovressi entenderte…
 
(Esce e va al bar, prende un aperitivo e comincia a grattare)
«Ah… Gnent da far… Gnent, gnent, diàolpòrco… El savévo mi che l’era meio nar zo ala staziom… Però… speta speta… Ah però… ma dai… Sì sì… Elamadona…!»
 
(Un amico)
«Alora Giani com’èla nada? Te vedo tut ciapà co sto bigliet…»
«Ma… tasi, tasi valà che… No ghe credo miga sat…»
«Fame veder anca a mi…»
«No, no zò le zàte, che magari te mel robi… Pitàst te pago da bever valà…»
«Ah, alora avém vint qualcos ah… Dime dime…!»
«Ciàvete. Se te voi bever bom, se no fa de men…»
«Oscia, come i cambia quando i devènta siori ah? I devènta malmostosi, spilorci, zidiosi… Eh valà… cossa hat vint po…?»
 
(Lui guarda di nascosto il tagliando…)
«Vara, fem cosita… Lerta… Lertaaa… Daghe da bever quel che i vol a tuti ’n sto bar… Capì… quel che i vol… Pago mi, ’craménto.»
«Eco, eco, così me pias… Ma alora te devi aver vint tant stavolta diaolporco…»
«Ti bevi, se te voi… El rèst l’è afàri mèi…»
«Dai dai che sem amizi da quando erem boci… Dimel en te na recia… No ’l digo a nessuni…»
«A nessuni neh… Se no quel che te bevi adès te tel paghi ti neh…»
«Vara, meti che no l’abia zamai vist quel bigliet…»
 
(Sottovoce)
«Dese…»
«Oscia, no te vei fora gnanca ’n giro de bianchi… Sét mat?
«No. De…semili.»
«Ma dai… No ghe credo fame veder dai…»
«Gnanca mi ghe credevo… Ma oscia uno ghè scrit e dopo quatro zeri… Alora, en zero l’è dese, po’ come i n’ha ensegnà a scola, do zeri l’è zento, tre zeri mili e quatro zeri desemili oscia…!»
«Fame veder… Fame veder… No ho mai vist en bigliét che vinze desemìli euri…»
 
(Di nascosto)
«Toh… toh. Te sei propri come san Tomàs che se no ghe mete el nas…»
«Oscia, fame veder meio, me sa che ghè qualcos che no va…»
«Toh, malfidente… Po’ basta però… Che se no chi me toca pagarghe anca da disnar a tuti…»
«Eh… eh… vedit…? L’è come pensevo mi… Zento euro e dopo virgola co i altri do zeri… Zento euri t’hai vint no desemili…»
«Ma va là envidios che no te sei alter…»
«No no te digo che l’è zento euri…. Tut mal…ciàmeghe poch…»
«Massì valà…»
«Zento euri te digo…»
«Oscia, speta… che forsi te gai reson… Zento ghè scrit soto… Zento…. che mona, che mona… Iertaaa… fa cont che no t’abia dit gnent… Ah no som miga Berlusconi che pol permetterse de pagar da bever a tute el paes… Méteme en cont ’l mio e quel del me amico… Che devo nar a cambiar n’asegno… Vegno domam matina… saludo neh!»