Home | Rubriche | Dialetto e Tradizione | El trentin e la zanzara tigre – Di Cornelio Galas

El trentin e la zanzara tigre – Di Cornelio Galas

Se t’empienissi i bazinèi de acqua e su i orli te ghe méti su ’n pò de saóm… no le scapa, le và lì, le sbrissia e le finis dénter… Le se nega tute quante

image

(La moglie):
- Vara che no ghe la fago pù, vara chì quanti becóni… Scolta, stasera quei del Comun nela sala sora la Rurale i spiega cossa se pol far contro ’ste bestie maledete… Va su a sentìr cossa che i dìs per piazér

(Lù):
- Ma no hai mandà en giro i cosi lì con su scrit su tuti…i depilanti…

(Ela):
- Sì ma a forza de trarli de chi e de là i è zamai nai en dispersia… Come tute le robe che se zerca en ’sta casa…
- Oscia, va bem, a che ora elo st’afare…
- El ghè anca sul giornal… toh, oto e mèza stasera… Dopo zéna te gavrai bem temp no de nar su…
 
(Lù, sbuffando):
- Vara ti quel che se deve far, nar a scola de zinzàle…
 
(Dopo l’incontro informativo, lù el torna a casa):
- Franca, Francaaa…! ’N do sét… oscia!
(la moglie):
- Cossa zìghit a ’ste ore che dopo quei de sora i bàte col mànech de la scoa…. Anca ti… vara che abitém en condomini, miga da to mama en mez ala campagna…
- Pensèvo te fussa nada a dormìr…
- Ah no dormirìa de zerto pù se te continui a gosàr cosita… Alora, com’èla nada?
- Mah… ensóma…
- Ensoma cosa. T’hai spiegà alora come se fa a far nar via ’ste bestie?
- Sì, per quel… ma n’ho parlà anca col Carléto, sat quel che abita su ’n Trapìòm, sì el marì de la Gilda… che l’è la sorèla dela Maria l’infermiera…
- Si ho capì, ho capì, alóra? Cossa elo vegnù fòra ala fim?
- Te disevo, anca el Carleto l’era su la mia ala fim: quei lì i ciàciera i ciàciera… ma i ne sa tant che mi e ti me sa…
- Massì, saré stai voi a no capir gnènt, ’l savevo che dovevo nar mi…
- Bastèva che te ’l disesi neh, stevo anca a cà…
- Spiegheme co le to parole cossa i t’ha dit… Dai che dopo vago a dormir che som stada en pè giust per spetàrte…
 
(Lù el spiéga):
- Alora, entant no se capìs bem come le ha fat ’ste zinzàle a vegnir da l’Africa, dala Cina da dove oscia le vèi. I ha dit che l’è tut colpa dele gome de quela dita de Roveredo… che le zinzàle l’è finìe dénter ’ste gome… bem, entant no i è stai boni de spiegar bèm come mai ’ste bestie no l’è stae schizade entramez a ’ste gome dei camiom entant che i camiom i neva… E zà chi dis anca el Carleto no ghe sem. Po’, i parla dei Marangoni de Roveredo. Ma oscia, se i è marangoni alóra pu che dale gome ’ste zinzàle le dovria vegnir dal légn… Alora, dis semper el Carleto, le ghè nele sparàngole del terazim, capissit… L’è da lì che dopo le sgola…
- Vara, lassém perder, i v’avrà dit cossa far per far nar via ’ste bestie almem…
- Eco, eco… Anca chi no ghe sém secondo mi e anca el Carleto.
- Ma sti chi, lezui e studiai, mandài dal Comun i ne saverà bem de pù de ti e del Carleto, che po’ el Carleto no l’ha gnanca finì le medie dai… Dime come se fa a parar via ’ste bestie che zamai gò som…
 
(Lù el va avanti a spiegàr):
- Se te me lassi parlar, ’cramento… Te disévo per fartela corta, che secondo i tecnizi no bisogna lassar fora piati, piatini scodèle con zò anca en giginìm de acqua…
- Sì, questo ’l savévo anca mi, perché l’è lì che ’ste bestie le fa i ovi no? Ma difàt mi ho sguà tut sula teraza… Però ’ste zinzàle le ghè ancora… Ghe sarà pur qualcos da far per mandarle via o dovente tegnirnele e sciao?
- Secondo mi e ’l Carleto l’è tut monàe quele che i te conta. Perché ’l sistema pensandoghe su… che dopo sem nai da la Ièrta a bever en bicier e a parlar propri de ste robe mi e el Carleto…
- Enmagino, enmagino, ve se strucai ’l zervèl… Na fadiga… A far i giri de bianchi… Robe da sudar neh?
 
(Lù el finiss de spiegàr):
- Ma no, no, scolteme bèm. Secondo mi e ‘l Carleto, de acqua nei bazinèi bisognerà enveze meterghen de pu…
- Ah adès i ve ciama de sicur en televisiom… Ensoma voi ’n savè pù de quei pagai propri per studiar come copàr le zinzale… Brai, brai… Questo dopo el terzo bicièr enmagino… Dio santissimo fame ’star calma te prego, ogni dona la gà la so crós da portar su ’sta tera…
- Vara che no scherzo e no som gnanca embriach diàolpòrco… Alora, pensevem mi e el Carleto, se nele scudele, nei scandorloti te ghe lassì zò sol en dè de acqua… ’sa fale le zinzàle… le và lì, le tasta, le fa i so mistéri e via come le è vegnùe…
- Sì, via a becarme mi che no podo gnanca pu star fora a ciapàr el frésch da quando ghè lore…
- Però… però, pensevem, l’è propri perché ghè poca acqua che a ’ste zinzàle la ghe va bem. Se enveze t’empienissi i bazinèi de acqua e su i orli te ghe méti su ’n po de saóm… Ah no le scapa cara, le và lì, le sbrissia e le finis dénter… Le se nega tute quante.
- Sat cossa te digo?
- Bela idea no?
- Bela idea no?
- Sì, belissima idea. Domam de sera, quando te vègni de volta dala Ièrta, tel preparo mì el bazinèl piém de acqua e ’nsaono tute le scale…

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande