Home | Rubriche | Dialetto e Tradizione | Quei dùbi che te vèi sol d'istà – Di Cornelio Galas

Quei dùbi che te vèi sol d'istà – Di Cornelio Galas

Aqua e zucher; mosche, zinzale e moscolini; vènt de strabàuz; sabia 'n tra i dedòti...

image

No so se l'è colpa del càlt, del sudor, del fato che mi stago meio col frét, ma d'istà, sol d'istà me vei en testa dei dùbi, semper quei. Che resta po' anca nele istà che vegnirà 'cramento.
Adès 'l so che quando i lezeré me darè del màt, se la va bèm, del móna se no la va tant bèm, e lassénte star se la va mal.
Ma nénte subit a sti dùbi che va de qua e de là come guìndoi nel me zervèl.

AQUA E ZUCHER.
Se te vai nel mar, quando te vegni fòra te devi far la docia per lavarte via el sal. E fim chì ghe sém.
Se te te buti nela piscina, na volta fora te devi lavarte via el cloro e magari anca... Sì, ensòma, se la se ciàma piscina ghe sarà el so motivo no? Tèi, se la te scapa entant che sei zò... sperando che no se veda el color zàlt entorno ale mudande... Bem.
E vegnìm al dubi. Se te te trài 'n del làch se sa che l'è meio farse na docia, se no altro per lavarse demò i pèi. Però, me domando, quel tacazamento che te par de avérghe su la pèl péna vegnù fora dal lach, èlo per caso 'l zucher de l'aqua dolza?
E perché, se dal mar i tira fora el sal no se pol tirar fora el zucher da laghi e fiumi co l'aqua dolza?
Tra l'alter sàt quant che se sparmierìa...
 
MOSCHE, ZINZALE E MOSCOLINI.
Tute le istà l'è semper la istesa storia: mosche, zinzàle, moscolini. Tuti che i beca, tuti che dà fastìdi.
Le ho provàe tute. Da quele strisie tacaìze dove sti inseti i dovrìa tacarse (ma no i se taca tuti), ai zampiróni, ale paléte eletriche.
Ala fim som semper lì che dropo i veci sistemi: paletina e via come zugar a tenis contro el Federer. Devo dir che gò ciapà su la manota. Dele volte ne copo anca doe al colp. Ala fim dela giornada se dovés far i segni sul tàol de quante ne ho copà me digo che dovrìa sgrifar tute e quatro le gambe e ancora no sarìa asà.
 
E alora eco el me dùbi: i l'ha enventade tute. Dal compiuter che te parla ai telefonini che prest i te prepara anca la zéna, dal robot che serve ai tavoi dei bar a quel che se te voi el te sbara monade per tirarte su el moràl.
Posibile, digo, posibile che no i abia enventà qualcos per farghe capir ale mosche e ai altri rotibale co le ale, che se le ne vèi al vers le riscia de brut?
Secondo mi dovrìa esser n'agegio che tradùs en fis’ci tute le pù brute parole che se pol dir.
E che ala fim, come dir, el funziona anca da radio per sti spacamaroni. Na radio che ala fim dela giornada la dìs robe tipo: «Ancòi su la teràza del Cornelio n'altra strage de mosche e zinzale: almem trenta i morti, tanti anca quei feridi en modo che sarà dura che i torna a volar».
Capiset come?
 
EL VENT DE STRABAUZ.
Tuti che i scrive e i dìs che no gh'è pù i temporài de na volta. Che adès quando l'arìva, el vent el te porta via come la Bòra, che l'aqua la vei zò che la se copa (perché la vei zo ensema a pali de fer, se sa), che l'è tut colpa dei fumi tóseghi che mandem su, che 'l clima l'è zamai scombinà e ensoma va tut a farse ciavar.
Bom, e alora 'sa fente? Devo seitàr a tir su i vasi de fiori de la teraza? Star semper co le tende dal sol tiràe su perché se no, quando ariva el vènt de strabauz de tende ne trovo doe, una tacàda malament ancora al mur e l'altra su la strada de la Maza?
Bisognerà far qualcos contro sti ventàzi del pit che fa sèmper tanti dani oltre a... roterne en di sì e 'n di sì le scatole...
 
E chi me vèi el dubi: che sia propri quei che vende vasi de fiori, tende da sol, taolìni, gazebi e mercanzia varia, de scondóm, a mandar su quei fumi maledeti per aria.
E che ghe z'entra anca i pompieri, quei che tol su legna, i pini scrautai.
E se fussa, quando ariva el vent fort, de ciapar en compressor ancor pu forte (ghe sarà en motor de aeroplano de seconda mam da qualche banda) e sbararghe ados al vent en geto de aria ancor pu forte...
Mi la buto lì. Se qualchedum vol torla su...
 
LA SABIA EN TRA I DEDOTI... E NO SOL LI.
Eco, na roba che no ho mai soportà al mare l'è che prima o dopo i péi en la sabia (maledeta) te devi meterli.
E quando te vegni fora da l'aqua (dove te te sei netà) te 'n bini su el dopio perché la se tàca meio.
Adès, mi no digo de cavar via la sabia. Che anzi i ghe ne mete quando el mar el la porta via. El so che po i puteloti no i podria pu zugar col secièl e le paletine. 
 
Ma, diàolpòrco, almem far dei tòchi de spiagia atrezai per quei come mi che, barèa, la sabia no la soporta...
E n’ocorerìa gnanca spender po grandi soldi. Basterìa, me digo, tor dele vecie mochèt, meio se color sabia, e meterle zo soto i ombreloni e i sdrai de quei che no vol bem ala sabia.
Diré ma a forza de pestolàr prima o dopo la sabia te la trovi anca sula mochèt. Eh no enveze, perché entorno se meterìa dele vaschete de aqua per netarse i pèi. Ah?

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande