El trentìn e l’ombrèla – Di Cornelio Galas

«Se te vai fora l’è meio che te toghi su l’ombrela, ma miga desmentegarla en giro come le altre dése che te m’hai pèrs finora però…»

(Fuori c’è un diluvio, la moglie… )
- Se te vai fora l’è meio che te toghi su l’ombrela, la vei zò a sécie, miga desmentegarla en giro come le altre dése che te m’hai pèrs finora però… che se no l’è meio che metente su ‘na botega che vende ombrele pitost che regalàrle…
- Ma coss disit, vara che n’avrò lassà ’n giro demò en par en tut l’am passà… Dì ’nveze che te sei ti che ghe l’empresta semper a to mama e po’ altro che San Pero torna endrio…
-Và, và, fa quel che te devi far che zamai ancoi le to monae te le hai sbarae tute…
 
(Esce con l’ombrello, sale in auto, va al bar per il caffè, l’amico…)
- Ciao Cornelio, ’sa fat en giro co l’ombrela rosa e i disegnini, l’hat robada ’n giro?
- Oscia, no m’ero gnanca ’scort… va ’n mona valà, l’è quela dela me pòpa, me pareva a mi che l’era picola…
- Difati te sei miz come ‘n poiàt…
- Lassa perder la storia de le ombrèle che la sposa la me n’ha fat na testa cosita….
- Vara, che passa quei empermeabili dei todeschi, sat quei de plastica, zaldi, rossi, col so bel capucio… tei tegni anca ’n de na scarsela… se i serve… trachete.
- Ma sì ghe penserò, dai valà che gò en sach de robe da far stamatina… son ciapà… ne vedèm.
 
(Esce e dimentica l’ombrello, dopo un quarto d’ora…)
Oscia l’ombrela… ’l savevo mi che la doveva capitar propri stamatina. ’Sa ghe diga adès ala spósa… E propri quel de la pòpa che l’ha ciapà coi ponti de la ciocolata… diaolporco… Te po’ enmaginar se adès el trovo al bar… Pu fazile che en trova doi come se dis… co ’st’acqua… E po’ l’è longa tornar endrio… Spendo pu de benzina che alter.
 
(Si accorge che c’è un negozio con esposti anche ombrelli, ferma l’auto e scende di corsa, entra e cerca un ombrello simile a quello dimenticato)
- Bondì (si accorge che sono cinesi) parlè ’taliàm?
 
(Il commesso)
- Celto celto… italiano sì…
- El me scusa, zercherìa n’ombrèla picola, da pòpi, magari rosa coi disegnini, cartoni animati, ensoma robe da popi.
- Celto celto tu gualda… lì gualda tanti omblelli…
 
(Guarda, finalmente individua un ombrello che potrebbe essere simile a quello dimenticati al bar)
- Eco, eco questo ’l poderìa anca nar… Quant costèlo?
-Cinque euli…
- Ma sì pitost che sentìrmen de boi e de vaca a casa… Sì sì dame quel lì valà.
 
(Esce, apre l’ombrello, tutto funziona, sale in auto e va in città per alcune commissioni e dimentica anche l’ombrello appena acquistato)
Lamadona… ’n do gonte la testa stamatina… Eh ah far massa robe en pressa, co ’st acqua po’ che… ma diaolporco anca st’ombrela… Va a ricordarse ades ’ndove l’ho lasada…
 
(Un amico incontrato per strada)
- Ciao Cornelio, ’sa fat senza ombrela, vara che te ciapi su ’na doia…
- Vara ancoi no m’en và una de drite…
- Ma fa come mi no? Sat quei empermeabili dei todeschi…
- Ho capì, ho capì, quei che te meti anca en scarsela… el so el so… Ma ’ntant?
- Ah vara basta corèr… Se te vai a pass de om te la ciapi tuta la pioza, se te cori, ma corer neh, t’en ciapi la metà, se non de men, l’è na roba fisica, da studiai…
- Ma sì valà che ancòi me sa che la và propri tuta de corsa…
 
(Intravede un ambulante che all’angolo del semaforo vende impermeabili…)
- Ehi, ehi… Quant cóstel n’impermeabile de plastica?
- Tre euri, tre euri… Cinque anche accendini…
- Va bèm dame anca i acendini valà, speta che vardo nela giaca dove ho messe l tacuin… Anzi, tègneme ’sta giaca entant che méto l’impermeabile valà che zamai co st’acqua som miz patòch…
 
(Arriva a casa)
- Vara, no te me crederai, ma le m’è capitàe tute ancòi…
- Sentinte… Scometo che t’hai pèrs de nof l’ombrèla…
- L’è longa la storia, vara… Longa come l’am de la fam. Entant l’ombrela de la popa la s’è rota. El savevo mi che coi ponti dela ciocolata i te deva sol bataria. Som nà dai cinesi e anca quéi i m’ha cazà su n’ombrela sbusada… Alora ho tot st’impermeabile, l’è come quei che dropa i todeschi, vara che bel, te podi meterlo anca en scarsela… L’è difizile desmentegarlo en giro… I m’ha dat sora anca i acendini… Ah, el savevit po’ che se se core se ciamà metà dela pioza che vei zo? Vara che per zinque euri l’è n’afare neh…