Na redazión nela sede DC – Di Cornelio Galas

«Ciao Nelo, scólta. Gh’è chi un che 'l dis de ciamarse Picoli. Flaminio Picoli. El conóset? El zérca la riunion de la Dc. Che ghe diga?»

Sì, no l’è questión de esser a Riva, vizin al lach de Garda.
Disénte che dele volte paréva de esser en de ’n carugio de Genoa. O ’n d’en cal de Venexia.
Con tanta zent che va e vei. E ussi averti. Spalancai. Senza segretarie, senza filtri ensoma.
Alóra, al Condomini Piemonte, en viale Dante a Riva, dove ho scominzià a laorar, gh’era sì la redazion de l’Adige. Ma anca la sede dela Dc de Riva.
T’èri lì, la sera, che te scrivevi de n’incidente e de colp te passéva davanti el Ciufetìn-Pancheri, el Malossini col borselìn de pel sot’al bràz, el Santi zoven sindaco de Riva («Putei, laorar ben me racomando… ah ah ah ah»). 
 
Na volta è vegnù denter anca el Flam, sì el Flaminio Piccoli el ciaméven così.
Ero drio a svilupar le foto ne la camera scura. Vegno fora. E ’st’òm grant davanti.
- Lei lavora qui? Sa quando comincia la riunione? Vengo da Roma… Pensavo fosse alle 19.
- Ah, el me scusa neh, mi son chi da poch, sto svilupando le foto de na pàca a Dro… Ma ’l se coméda pur sul canapè che magari fago ’n colp al Nèlo.
 
- Ciao Nelo, scolta. Gh’è chi un che ’l speta la riunion de la Dc. Che ghe diga?
- Un chìe?
- Scusa, come se ciamelo?
- Flaminio Piccoli…
- Flaminio Piccoli: te disel qualcòs?
 
(El Nelo)
- Ma sì el Flam…! Sarà en so scagnòz a ’ste ore…
- Mi scusi, lei è forse un «Scagnoz»?
(Fine della descrizione dell’episodio per eccesso di bip)
 
L’era bel laoràr en quela redazión.
El Giancarlo Angelini, sèmper for de testa. Che ’l neva en giro co na tuta spazial sul motorin. Cagn da zerca per la nera. Na snasa…
L’Oscar Danieli, zóven Dc, semper drio a scriver el giornalin de la Baone Calcio.
L’Ezio Petricci: bocia che continueva a dir le robe de Alto Gradimento.
- Paaahh, paaahhhh… Scarpartibus. E po’ drio al sport, a tute le partìe. Mi co la machina fotografica comprada a rate.
 
La sera, ’riveva quei dela Dc per le so riunióm.
El me fa el Malossini:
- Set nà ti ieri al consiglio comunale de Riva? Dai, fame lézer…bravo, bravo, però tira via quel che ha dit el Fava… Dai che no l’è propri el caso… Sti chì i è esaltai… El comunismo… Ma valà…!
Na sera – pochi ani dopo – me telefona el diretor Perego.
- Scusi, ma è lei di servizio stasera?
- Veramente no saria gnanca assunto ma son chi… El me diga…
- Guardi, c’è mio figlio in Rocca a Riva stasera. Siccome mi hanno detto che ci saranno disordini, i soliti di Lotta Continua…, potrebbe dargli un’occhiata? Oh, niente sul giornale in caso di incidenti che riguardino anche mio figlio, mi raccomando…
 
M’ero vestì en gringola per el comizio de Almirante a Riva.
Giaca e cravata dela prima comunión.
Arivo en piaza Erbe. Dove quei de sinistra i stèva zà tirando su i bolognini da la straa.
Vago avanti. Fago na bela foto panoramica. Ensoma, ciapo zò tuti quanti.
Torno en redazión al Condominio Piemonte e vedo, drio de mì, trei con robe de fer en man.
El temp de nar dénter e dirghel al Nello. Vei fora l’Urlo, el cagn pastor del Nello.
È bastà quél… Ciao Urlo e grazie neh…