No l'è pù el caso de scherzar – Di Cornelio Galas

No l'è sol questióm de star a casa, se stà come d'autum sui alberi le foie

Scuséme. Anca mì fim a qualche stimàna fa ho zercà, come dir, de tirar su el morale en sti dì dove el morale l'è soto i péi.
Ma adès no ghe la fago pù. Anzi, me dà fastidi quei che buta en vaca sta storia del coronavirus.
Quei che mete en fèsbuch cine da paperissima. Quei che fa ancora le batùe.
No putèi, basta. No digo che bisogna tràrse nel lach, taiàrse le vene, no.

Però gnanca far finta che questa del virus sia na barzeleta.
E no l'è sol questióm de star a casa. Bisogna, secondo mi, farne vegnir denter bem nel zervèl, che sem en guèra.
E che no podém pù far le robe che féven prima. Almem fin quando no se ghe envignerà fòra da sto casim.
L'è per quel, che, per sta domenega, scuséme ancora, fàgo zito.
No foss'alter per quei che mòre tuti i dì senza gnanca n'òbit.

Eco, sténte co la boca serada (no sol co le mascherine) e spetém come la và a finir.
En méz, credéme, le monàe sui pogioli, zerti video en rete, zerti modi de far come se sol ades dovessem nar a far le corse en giro, eco, queste e altre robe no le gà gnent da spartir con el modo giust de esser, far, dir, scriver en sti momenti.
Scuséme ancora.