Home | Rubriche | Dialetto e Tradizione | Nadàl coi tói e Pasqua… cole mascherine – Di Cornelio Galas

Nadàl coi tói e Pasqua… cole mascherine – Di Cornelio Galas

Auguri neh, a partir dai letóri de l’Adigetto.it E fé i bravi che così en dì forsi i trova la ciave dela presóm en dove dovém star adès

image

Entànt bòna Pasqua a tuti quei che léze l'Adigeto.it, neh. Se no magari me desméntego.
Perché zamài gavém en testa semper quele parole: coronavirus (che el se ciàma anca còvid-19 o Sars Cov 2 – o vàirus come dis el Di Maio ma l'è sempre l'istéss), tamponi, mascherine, contagi, distanziamento sociale.
E per no farne mancar gnènt avém enventà (parola grossa) anche «l'economia ai tempi del coronavirus», «Lo sport ai tempi del coronavirus», ecc. Tut ai tempi del coronavirus.
Scopiazzando (perché fa figo?) dal libro de Marquez che po' l'è deventà anca en cine: «L'amor ai tempi del colera».
 
Tut mal se và envanti. No se pòl far alter. E meterne l'anima en pàze: entant sarém ai domiciliari fim al 4 de magio. E dopo, bisognerà veder, ma quei lezùi e studiai, i dis che fin quando no se trova en vacino sto casim el narà per le longhe.
E alóra? E alora no ne resta che star atenti en quele poche ocasióm che i ne lassa nar for de cà.
I guanti, la mascherina, l'autocertificaziom e na «scusa giusta» per nar en giro.
Se no i te dà na multa che... gnanca se te lassi la machina en divieto de sosta per do stimane te paghi de pù.
 
Ve dirò che en sti di chi gò telefonà ai vigili, al vicesindaco, a um che conosso che l'è stà anca senador.
Volevo saver – vist quel che se leze sui giornai – se, stando semper dénter el comun de Arco, podévo nar al Poli envéze che alla Coop de Bolignam, quela pu vizina.
Ma no l'è che volevo far el figo, quel che voleria nar anca dove no se pòl.
No, l'è che alla Coop de Bolignam, a parte le coe longhe, denter, me sa che se stà massa tacai.
E enveze al Poli (pu grant) no te risci de pesàr le patate tacà a um che el zernìs le zigole.
 
I m'ha dit che quei del Cimun i ha parlà coi carabinieri e i vigili.
E che vegnirìa fora che se pòl sì nar al Poli, ma en teoria e anca en pratica, sol se alla Coop manca en prodóto che enveze al Poli gh'è. Tipo? El magnar per celiaci.
Oscia no ho capì. Tut mal soto soto i m'ha dit che se te vai al Poli e te fai ‘na spesa grossa... Dai i pol seràr n'ocio.
 
Per no parlar del Penny Market. Che l'è denòr a na straa che l'è nel comun de Arco. Come te meti la frecia per nar al Penny però te sei nel Comun de Riva e alora l'è càvoi toi.
Mah. Som sicur che ste regole le sia giuste per no farne malàr tuti de sto brut mal. Ma, me domando, se denter en stess Comun, se podés far en modo che no ghe sia cóe e i famosi asembramenti, no sarìa meio?
 
Per el rest come se sta? Come tanti presonéri de guera. De sta guera che no te vedi gnanca el nemico.
De pù: fim a qualche stimana fa le mascherine i diséva che no le serviva. Adès le è obligatorie.
E i te le mete nela casseta de la posta. Po' l'esperto che el dis che le pol nar bem, se le va bem, al masimo tre quatro ore. E alora, se no se pol lavarle, bisogneria averghen almen na scatola da zento... Forsi ala fim de sto brut sogno capirém cossa l'era giust e cossa l'era enveze sol ciàcere.

Entant ogni sera i ne dà l'elenco dei morti, dei guaridi (dalbòn?) de quei che deve star serài dénter almen per do stimane. E lézo che gnanca quando gh'è stà le guere vere ogni dì i déva sti numeri.
Sperénte. No resta alter.
Sperénte che sta Pasqua la ghe somiglia almen a la resureziom.
Entant auguri neh. E fé i bravi che così en dì forsi i trova la ciave dela presóm en dove dovém star adès.

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande