Home | Rubriche | Dialetto e Tradizione | Come èrem, come sarém... – Di Cornelio Galas

Come èrem, come sarém... – Di Cornelio Galas

No se podéva gnànca nar en ciésa a pregar, anca se no se ghe crede...

image

Sem stài per mesi serài ’n casa, col pipa cul, col terór. Co le mascherine, i guanti, quando se i trovéva. Lontani almem en metro.
Erem come guìndoi en gabia, come campane che no pol sonar, coi batòci che no se pòl tocar tra de lori.
Erem pu de là che de qua. Smaridi, spaventai. Che no se saveva se quel che starnudiva el te feva (e 'l te fà ancora neh) becàr sta malatia.
Che no se saveva (e no se sa ancora) se ste mascherine le te feva (le te fa) stàr al sicur.
 
Sém deventài de colp come bestie sgarìe dal fòch. Che le zérchéva de scampar: se ciàvéva (e se ciàva?) se te pestévi qualchedum.
Èrem nel gnent del tut. Nel tut del gnent. Ciapài da novi penseri: che quei che gavévem prima par (ancora?) monàe. I soldi, el magnar, la fim del més.
E sti lezùi e studiai che i no sa dirte gnancóra qualcòs che sia gualìf.
Pù controli te fai e pù te trovi quei empestai. Mem controli, mem enfetài.
Par squasi de zugar a tombola… sperando che no vegna fòra i to numeri.
 
No capìm gnent de quel che è meio far. No savém gnancóra tuta la verità drio a sta rogna.
I ha més zo i nossi cari come bestie da sotràr en pressa. I fiori i te li regala, perché nessum pensa ai fiori ades.
Stem deventando anca dele spie. Varda varda quel lì che core… ma pòdelo corer? Ah come sem ancora méssi mal en sto mondo che ne paréva sì normale.
Dove no t’avréssi mai pensà de patìr sti divieti, ste limitaziom.
Dove, dala matina ala sera, parém ancora tanti diabolik: se vede sol i oci.
E poch temp fa anca i cavéi da taiàr.
 
Ah come ghe volerém bem, se spera, de pù ala vita, se passa sto temp de malòra.
Se gh’envegnirém fòra da sta maledizióm.
No se podéva gnanca nar en ciésa a pregar, anca se no se ghe crede.
Anca se te vegniva voia de domandarghe a Cristo de darne na mam.

Vegnirà en dì che nei libri de storia i parlerà de sto virus del 2020 (o del 2019?).
E quei che li lezerà, neói dei nossi neói, magari i ne tolerà en giro.
Per quel che avém dit, fat, scrit. Quando forsi bastéva sol darse na mam, senza far i tacagni, per vegnirghen fora ensèma.
 
L'è n'impressiom neh la mia, ma è bastà aver la porta che sém nài fòra tuti de corsa perché no ghe la févem pù forsi a star a far la figura de quei che canta per so cont sula teràza.
O quela de quei che porta la spesa ai veci.
Apena i n'ha molà sem nài driti a farne el spritz. Che tanto l'era monàe quéle che i ne diséva de far... anzi, i ha fat aposta per tegnìrne a bachéta co la scusa del virus.
 
E alora fòra tuti enséma, senza mascherine, senza guanti. Che tanto i ha dit che se pòl far anca el bagno che lì le góze del covid le se sfanta subit.
Però nele piscine (sol lì?) no se pol pisàr (prima se podéva?) e gnanca spuàr (prima i lo féva tuti?). Eh oscia…
No serve pù en toch de carta per dir chi te sei, cosa te fai dove te vai e perché.
No serve gnanca dir che te dovréssi esser en quarantena adés tanto nele cure intensive gh'è tanti posti voidi...
 
En televisiom no i fà pu le conferenze per dar i numeri e tra poch te poderài nar anca en altre regióm.
Ma no en Austria e 'n Grecia tant per dir doe dele naziom che le ne considera ancora marzi patochi, persone che l'è meio starghe a larga, anca se le gà le mascherine, i guanti e 'n toch de camper dove nar a dormir senza dropar i alberghi.

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande