Home | Rubriche | Dialetto e Tradizione | DPCM: dìme perché, come mòverme – Di Cornelio Galas

DPCM: dìme perché, come mòverme – Di Cornelio Galas

Te derài: i festegerà Nadal e Santo Stefano el 27 e el 28, mentre l’ultim de l’am i lo festegierà qualche dì dopo…

image

Diséntela tuta: zamài da mesi dipendém da quele quatro letere: Dpcm.
Oltre che da tre colori: zàld, aranzóm e rosso.
Drio màm: le regole. Dale mascherine al lavarse le mam. Dal no sentàrse al ristorante en pù de quatro entorno a l'istés tàol al star a casa dale dése de séra ale zinque de matina.
Dal no nàr denter tabachini, farmacie, botéghe pù de um ala volta al star lomtàm almem en metro dai altri. E tuti i altri divieti che no ocór che ve ricorda.
 
El fàto l'è che ogni tant (de spéss) arìva, per de pù vers sera, el nòf dpcm.
Che cambia, de sòlit en pèzo, le regole del Dcpm dela stimàna prima.
Così come ogni do dì cambiéva (ve ricordè?) i moduli de le autocertificazióm.
E alora l'è propri en casìm. Perché, dala matina ala sera, quel che se podéva far algéri, no se pòl farlo ancoi.
E no se sa, per de pù, se posdomàm... cambierà ancora la storia.
 
Parlénte, per esempi, dele fèste de dizémber: da l'Imacolata de l'òto fìm ala Befana de zenér.
Serà squasi tut propri nei dì dove de solit se se trovéva coi parenti.
Oh, magari qualchedum el sarà anca content de no dover far la tombola coi suoceri e de far endigestióm de panetoni e zèlten.
Però, dai, fa en po' senso no pensar a star serài en casa e farse i auguri per telefono...
 
Per l'amor de Dio (e de Gesù bambinèl) i fa bèm a tegnirne a ùm vist quel che è suzès dopo che i n'ha squasi molài dala stàla st'istà. Tuti che i parla dela terza ondàa.
Col riscio dal bom de trovarne per semper col cul per tera. Se non al zimiteri (e i morti per covid i è ancora tanti neh).
Ma stém atenti però a no far nar for da mat tuti quanti. Zà se parla de zent nàda en depresióm, de altri che per meter ensèma el disnàr co la zéna i deve nar ala càritas.
De altri ancora che i riscia de perder el laór. Propri perché le regole de l'economia no l'è quele che adés bisogna rispetàr per colpa del virus.
 
Ma l'è per tute ste gàbole, che come dìt le cambia dal dì ala nòt, che tanti i se sente - come dìr? - tòti en giro.
Per esempi gh'è zà chi che dis: «Ma el virus 'sa fàlo fim ale séi de sera? Dòrmelo? E sol dopo quela ora el va en giro per farghe del màl a quei che va a zéna?»
E ancora: Nadàl, Sant Stefano, Prim de l'Am, Befana: tuti serài en casa?
E nei altri dì no perché 'l virus l'ha zà fat festa al posto nòs?
 
Vardé che no l'è na batùa la mia. Ho lèt en sti dì chi che gh'è zà qualchedum che pensa de misciàr le carte per vegnir fòra da sti divieti.
Come? Per esempi fasèndo festa el 27 dizember (el dì dopo de Sant Stefano).
O de far el trenim de capodàm... el prìm de l'àm.... dopo le sete de matina, quando finis i divieti.
E ve lasso pensar a quando e come i passerà el Nadal, la vigilia, la Befana.
 
Se sa, en Italia, fata la lége se trova subit el modo per girarghe entorno.
I lo sa bèm i comercialisti quando vei fòra le nòve regole del fisco.
Figurarse se magari per far na zéna al de fòra dei dì proibidi qualchedum no l'enventa en nòf (tut suo) contro Dpcm: demò per cont mio.

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande