Home | Rubriche | Dialetto e Tradizione | N'altra bruta doménega – Di Cornelio Galas

N'altra bruta doménega – Di Cornelio Galas

11/07/2021

Ciao Ivo, presidente dela Republica de Vignole. Te n'hai lassà per semper anca ti

Anca 'sta doménega - l'è na maledizióm - gnènt de bèl da contàr.
Perché n'altro amico, l'Ivo Bertamini «Adamìm» de Vignole, el n'ha lassà per semper.
Chi èrelo l'Ivo? N'òm dal còr grant, semper piém de idee, de voia de fàr.
Soratùt um «lezù e studià» anca se no 'l lo féva veder e pesàr.

Da zoven l'era stà coi frati. E lì l'aveva emparà tante de quele robe che – se l'avés volù – le avrìa stormenì anca en profesor. Lu envéze el le dropéva per so cont, per i so libri de storia, per le ricerche su vecie carte, per i so quadri antichi.
Na volta fora dal so bùs, però, el ciapéva en màm el trator, el néva a poàr e soratut l'era zo de soto, a masnàr olive nel frantoio che gavéva lassà so papà, el Gino.

L'era stà nel consili dela Rurale de Bolignàm, nel consorzio de la «Fìta», el s'era dat da far pù de na volta per 'sta tera de Oltresarca, dove vigne, pomèri per fortuna no i ha ancora fàt la fim dei tereni al dè là del pont.
Erem ensèma ale elementari. E fim da alora el gavéva el lechét per la storia, la geografia. Ogni tant el porteva en classe la «sansa», quel che resta dopo che le olive le vèi masnàde.
E 'l féva lu la leziom su quel che suzéde quando le olive le deventa oio, su come se pol dropàr le molche per far el pàm.

E no è passà tanti mesi da l'ultima volta che l'era denter el frantoio, co le cufie su le recie, a starghe drio a quei muci de olive portài dai tratori en quela piazéta de Vignole, poch lontàm dal capitel contro la peste, dala casa dei «farinèi», dei Pedergnana e dala vecia fontana dove na volta le done (anca me nona) le néva a begàr coi vestiti mìzi, tra na 'nsaonada e l'altra.
De Vignole, dela so storia, l'Ivo el savéva tut.
Me ricordo quando i aveva portà via la tomba romana drio la ciésa de San Valentìm.
«Ah – el m'aveva dìt – te vedrài che no la torna pù endrìo...».
E difati, quela préa dove zughévem da boci no l'è pù vegnùda de volta.

En dì, poch prima de nar en pensióm, l'avevo trovà en po' su le sue.
El temp de fàrne en biciér de bianco e era vegnù i ricordi dele feste che el «farinèl» Mancabelli el fèva sti ani en quela piazéta.
«Ah, bisognerìa ridarghe en po' de alegria a sto paés... te pàr?»

E così, propri dala matina ala sera, è vegnù fòra l'idea de far la «Republica per so cont de Vignole».
Con tant de soldi, francoboi, pasaporti... e tante altre monàe che vegnìva drìo mam.
Avèm perfim telefonà a... Seborga, sì quel posto en Liguria che a so temp l'era restà fora dal catasto de l'Italia.
Gavévem en ment anca en gemelagio, pensa ti.

El prim aprìl del domiliequìndese, po', de not avém mes su el cartel sul confìm, al cavalcavia: «Republica per so cont de Vignole, dogana».
E quanti todeschi s'era fermà, stralunài (Was bedeutet?) davanti a mì e l'Ivo (col capèl da conte) che ghe domandevem el passaporto...
Po' en toch de carta, do soldi de Vignole e: «Potete passare, wilkommen».

Beh, l'era lù (e resterà lù per semper) el presidente de sta Republica scalcagnàda.
E anca dela televisiom (Televignole, se sa, come se podéva ciapàrla?) messa ensèma propri perché na republica no la pòl far a mem de na televisióm, se sa.
Ma l'Ivo l'era anca quel che co le fototrapole el bechéva (ma sol per vardàrli dopo nei cine) l'ors, el lupo, la volp, su nela so casòta en Vèl.
Dove l'aveva pensà anca a coltivar... le banane. E no l'era na monada, el féva sul serio.
L'òbit de l'Ivo i lo fa domàm, ale trée de dopodisnàr.
Ma nela ciésa de Bolignàm. Massa picola (anca per la storia del covid) quela de Vignole per quei che vegnirà de sicur a saludarlo.