Vóteme che te dàgo 'na casa a bom mercà – Di Cornelio Galas

Eco i disegni che la GPM (Ghe Pénsi Mì) la n'ha mandà per case a bòm mercà

El so, el so. Ancòi se vota. E per la par condicio (che vol dir stàr tuti nele stesse condiziom... pèzo de cosita?) no se pol far reclàm eletorale.
Ma sta chì l'è n'impresa seria. Che no lo gà bisogn de tacàrse ai politizi per laorar.
E alora me parerìa giust che la pòda presentàr i so progeti cramento.
Dai, dénteghe na màm (e anca i péi) a st'economìa trentina, diaolporco.

Eco alora che 'sta dita, la GPM (Ghe Pénsi Mì) la n'ha mandà i disegni per case a bom mercà.
Che le gà el so perché: Anca per sparmiar gas quando vegnirà fret.
E per tante altre robe che – vedré – ala fìm convèi.


Eco chi sora el prim progèto. Che, come vedé, no 'l gà bisogn de tant terém.
El và su che l'è la so mòrt. Strét ma giust.
Bel e senza tanti euri da pagar per el mutuo, cramento.
 

Chì gavé subit l'idea de quel che enteréssa de pù ala GPM.
E cioé che no ghe sìa qualchedùm che no pòda vardar en televisióm quel che se pol vardar co la parabolica.
 

Bej, ensoma, no l'è vegnùa zó co l'ultima néf.


La GPM la ghe tèi tant a quele che i ghe ciama bariere architetoniche.
De zerto però no la pòl arivar dapertùt.
Anca quei che gà le carozèle i deve meterghe del suo...
 

Quel che cónta, nei cantéri, l'è soratut la sicureza.
Ensoma che nesuni se fàga mal.
Eco uno dei sistemi che la GPM la dròpa per far en modo i operai no i casca zó dai pontézi.
 

No sol case. Ma anca alberghi, diàolpòrco.
 

E chi èlo quel che l'ha dit che per far su le case no bisogna scominziar dal cuèrt?
Tut se pol far. Come el cliente el vòl. La vòt reversa? E la GPM la te la fa reversa.
 

Per finir: L'è la cultura che tèi en pé sta dita.