Home | Rubriche | Dialetto e Tradizione | L’è zà passà n'altro am, oscia! – Di Cornelio Galas

L’è zà passà n'altro am, oscia! – Di Cornelio Galas

Che dirve, cari amizi de l'Adigéto? Bom am e tegnì dur. Almem fin ala fim de st'am...

image

Dai, buténtela fòra subit la batùa che tanti i farà ancòi, prim de l'am, così no ghe pensém pù:
«Oscia, ma sàt che zamài l'è da l'àm passà che no te vedo? Tuti bèm, tuti for dal let?»
E, tut màl, a parte sta batùa vecia, l'è propri vera che 'l tèmp, come diséva quel siènzià (no me ricordo pù chi che l'era) no l'è mai gualìf, preciso ensoma.

Per dir: zinque minuti passài col cùl sora na fornèla (empizàda) i pàr de zerto pù longhi dei stessi zinque minuti però, che 'n sónte, a far l'amor.
Che po' anca chi bisogna po' véder se um el riesse a durar... zinque minuti.
Ma no sténte a nar fòra dai somenài.
 
El prim de l'am – anca el dovés far 'n frét béco (no l'è el caso de sti dì) – l'è sèmper en dì strano.
Te par squasi che 'l sia fat aposta per sentirte... pù content, pù lizér (dipende anca da quel che t'hai magnà al veglióm) ensoma, tèi, se tàca via de nòf, se se sente vivi (tocàndose en méz ale gambe), pù veci, de zerto, ma oscia 'n pé, coi oci che varda envanti... vers le scadenze dei boli, de le boléte, de tut quel che te avréssi dovù sparmiar da la tredicesima.
E che envéze l'è nà tut a farse ciavàr en panetóni, regài, spumante, magnar fòra... tanto – se diséva – al rest ghe pensém st'am che vei.
 
E l'am che doveva vegnìr... l'è vegnù dalbòm, cramento. Coi so bei conti da pagar.
Scherzo neh, no voi portar sfiga. Però, diàolpòrco, diséntelo, el pù dele volte zenér el deventa en més lonch come l’an dela fàm. Con stimane che par che le dura pù de sète dì... spetando la pensiom, la paga de febrèr.
Sèmper pù lontana da quéla (coi conguagli che par castighi) de zenér.
E lasénte star le promesse fàte soto el viscio entant che qualchedum conteva... mem zinque, mem quatro, mem tré, mem dòi, mem um... bom am.
Bòni tuti de dir: con domam me meto a um. La dura fim quando va via el mal de testa del veglióm.
 
El temp de vegnir for dal let e de risponder al telefono:
«Cossa? Ma zerto che vegno anca mi a magnar i vanzaroti e a bever quel che è resta nele bòze stanòt.»
Come quei che voleva sméter de fumar:
«Te pòi enmaginar, i vol aumentar ancora i zigaréti... ma per cossa m'hai tolt, per l'unico che mantèi el Stato?»
Pò, però, zà dopodisnàr del prim de l'am, dopo el café che el mete a posto el stomech... Ma si dài che na gheba la ghe stà.
E po' ghe ne stà dóe, po' trée... e ciao Nineta, prima de sera te devi nar al distributor (perché i tabachini i è serai, oscia) a far rifornimento. Come en drogà.
 
Ensoma, sto sentirse squasi come en de na bóla, pù boni (disénte cosita), pù contenti (disénte cosita), pù... disénte cosita anca quel, zà el dó de zenér el se sfànta.
Propri come na bòla de saóm.
Che dirve alóra, cari amizi de l'Adesòt.it: bom am e tegnì duro.
Almem fin ala fim de st'am. Che po' en riparlém...

Condividi con: Post on Facebook Facebook Twitter Twitter

Subscribe to comments feed Commenti (0 inviato)

totale: | visualizzati:

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande