Home | Rubriche | Dialetto e Tradizione | Quando a Riva vegniva ogni am i «maghi» – Di Cornelio Galas

Quando a Riva vegniva ogni am i «maghi» – Di Cornelio Galas

Gh’era i fachiri, chi storzéva i cuciari, quéi che curàva i sani… E i moni i è restài

image

L'era, a dir la verità, el convegno dela rivista «Astra», en giornal che parléva de astrologia.
Ma no sol de oroscopi, anca de robe strane.
Bem, en qualche maniera sto convegno l'è vegnù a Riva e lì l'è restà po' per tanti ani fim quando, dopo qualche ediziom en quel de Arco, l'èi nada da altre bande.

Tutmal sto apuntamento l'era spetà semper con curiosità. Forsi anca pù de la fera dele scarpe.
Perché lì denter, quando gh'era Astra, podeva narghe tuti. E se vedeva dele robe anca for de testa.

Per esempi, stando a quel che me ricordo, ’na volta, come te nevi dénter al Palacongressi, te trovévi um nudo (sol co le mudande per capirne) che el polséva su en panél piem de ciodi co la ponta en su, no so se me capì.
Eco, sto... sto fachiro el gaveva anca semper en mam na botiglia de uischi.
E zo che la vàga entant che l'era su sti ciodi. Propri robe... da ciòdi.
 
N'altra atrazióm? Quela volta che um, n'indiàm me par (ma no n'indiam de America co le frecie, no, n'indiàm propri de l'India) el s'era fat sotràr denter na busa fata semper nei prai davanti al Palacongressi de Riva.
Sora, me ricordo, tanti fruti de le so bande.
Che me domandévo: «Ma semai i doveva sotràr anca quei se i voleva che 'l lì magnéssa lì soto no?»
No so quant che l'è stà lì soto. Me par tuta na nòt.
Gh'era anca de quei che gireva li entorno per veder che no 'l vegnìssa fòra de strabàuz. Gnente.
Fim quando no l'è... risort, gnanca tant strach per la verità.
«Per forza, no l'ha fat alter che dormir», diseva i pù malmostósi...
 
Altri maghi? L'Uri Geller. Quel dei cuciari. Me spiego.
Sto chì l'era sul palco dela sala dei mili, sèmper al Palacongressi de Riva, e l'aveva dàt fora en sach de cuciari a quei che era sentà, zo nela sala.
A 'n so ordine se doveva pensar de stòrzer quel cuciar... e, oscia, el se storzéva dalbòm.
Po' se sa che deve esserghe stà en truco.
Perché quando te provévi a rifarlo a casa, cramento, el cuciar el restéva entréch e quei entorno i te deva (se la neva bem) del mat. Gnanca del móna, del mat. Capiset come?
 
N'altro mago? Quel che de colp el se trasformeva en d'en dotor de l'Otozento.
En dotor todesch, me par che 'l se ciaméssa Franz. E 'l parléva na lingua strana. El se moveva en maniera strana.
Oh, l'ha fat sta dimostraziom davanti a na desina de dotori de l'ospedal de Riva.
Che ala fim de sta scena – me ricordo – i s'era messi a rider.
E um l'aveva dit: «El scolta dotor Franz, podréssel vegnir su al psichiatrico de Arco che così el trova tanti so coleghi?»
 
Tra tanti maghi gh'era per la verità anca zent seria, Per esempio el Messner, el scalador. Che l'aveva parlà per n'oreta dei so incontri... su tra le alte zime, con... lo yeti.
Na creatura strana. Mez bestia e mez om. Che dir... Se um come el Messner el dìs d'averlo encontrà sto yeti vot no crederghe?
 
Quando Astra la s'è spostada a Arco, era arivà anca Kabir Bedi, l'atór indiàm che l'aveva fat Sandokan en televisióm.
E chi è suzés na roba strana.
Perché um de Arco, me ricordo, nàndo dénter al bar cafè Trentino a 'n zerto punto l'ha dit:
«Savé che al Casinò ho encontrà Sandokan?»
E i altri: «Cramento Bepi, ma hat tacà via bonora a béver bianchi ancòi?»

Condividi con: Post on Facebook Facebook Twitter Twitter

Subscribe to comments feed Commenti (1 inviato)

avatar
efrem fava 22/01/2023
Me sa che qualchedum el se sia anca fermà da 'ste bande...
Thumbs Up Thumbs Down
0
totale: 1 | visualizzati: 1 - 1

Invia il tuo commento comment

Inserisci il codice che vedi sull' immagine:

  • Invia ad un amico Invia ad un amico
  • print Versione stampabile
  • Plain text Versione solo testo

Pensieri, parole, arte

di Daniela Larentis

Parliamone

di Nadia Clementi

Musica e spettacoli

di Sandra Matuella

Psiche e dintorni

di Giuseppe Maiolo

Da una foto una storia

di Maurizio Panizza

Letteratura di genere

di Luciana Grillo

Scenari

di Daniele Bornancin

Dialetto e Tradizione

di Cornelio Galas

Orto e giardino

di Davide Brugna

Gourmet

di Giuseppe Casagrande

Cartoline

di Bruno Lucchi

L'Autonomia ieri e oggi

di Mauro Marcantoni

I miei cammini

di Elena Casagrande