Tuta colpa dele caréghe da spartìr? – Di Cornelio Galas

El pòr Degasperi: «I politizi i varda le poltrone, i statisti i varda quél che gh’è da far»

De sòlit, quando vago a tor el giornal la matina, coi altri veciòti parlo de tut trane che de politica.
L'è pù fazile ensoma far quela che noi pensionai ciamém la conta:
«Hat vist, anca el Giani, pòr om, l'è nà. I lo méte zò vèndro...»
Opùra se dìs le solite monàe sul temp, sui neói, su quel che t'ha dit el dotór per la prostata.

De tut se parla, trane che de politica. Perché zamài, 'sa vòt, ne avém vist de tuti i colori e se finìs per no creder pù a gnènt.
No l'è gnanca come dis quel proverbio (da zoveni s'empìa i fòghi, da veci se i smòrza). No, l'è propri che el làt dai dinòci l'è arivà adés ale nosèle...
E cosìta, l'alter dì, al bar, el Toni, col giornal davanti vizìm al bianco, l'ha slargà i bràzi:
«Toh, vara chi. Anca questi ala fim i bèga per le caréghe... gnent de nof, cramento.»
E difàti me par che a tanti dì, per no dir stimàne, dale eleziom, no i se sia gnancóra messi d'acordo per far la giunta provinzàl.
Gh'è el presidente, el Fugati, ma per el rest no va bém gnanca el dàmela tòmela.
Anzi, i se varda come caign e gàt. Come se quel'alter el voléssa tòrte per el cul, embroiàrte, ciapàr de pù de quel che ghe sarìa spetà.
 
Robe da no creder. «Ma se fim a l'alter dì, quando i s'è messi ensèma per far nar su de nòf el Fugati, paréva che i néssa d'acordi? De pù: i ha anca fat la festa quando l'è nàda bèm...»
Zà, nel bar, anca el Benito (che no se sa perché i comunisti, quei de sinistra no 'l l'ha mai votai) no 'l sa pù che dir. El tase. Ma el scorla la testa de qua e de là. Pò el va fòra a farse na gheba, fàcia stròva.
El pù enteligente dela compagnia, el Mansueto, che l'ha fat a so temp le scòle alte e l'ha anca ensegnà come professor, l'ha envéze tacà via la so solita tiretera:
«Ma bastéva applicar el manuale Cencelli no? Tanti voti di lista, tante careghe. Come féva na volta la Dc. E finìda lì, cramento!»
Ariva però subit i dubi del Bruno: «Mi me domando: se partìm zà coi musi, con zent permalosa, con quel che se spetéva de pù... te pòdi enmaginar quando ghe sarà magari da méter su nomi novi nei vari consigli de aministraziom... Ah sarà na bela rumba me sa.»

Pò i dubi del Sandro, che 'l vèi d'an zó. E che 'l parla sol tagliàm anca se l'è chì da trent'ani.
«Per quel poco che ho letto e sentito dire, la cosiddetta coalizione del centrodestra non era ben coesa nemmeno prima del voto. Certo lascia basìti il fatto che, all'interno di un programma, di liste, di un unico presidente da sostenere, non ci si sia posti il problema del dopo.
«Cioé: in caso di (auspicabile, immagino da parte loro) vittoria, chi saranno il (o la) vice e gli assessori (e)?
«Non si può arrivare impreparati a decisioni del genere. Né dal punto di vista politico. Né da quello meramente amministrativo.
«Nel primo caso perché si dà un'immagine del centrodestra vincente sì, ma già in difficoltà al proprio interno. Nel secondo perché troppi sono i problemi urgenti in Trentino.
«Che non meritano intoppi di questo tipo, rallentamenti, indecisioni esclusivamente attribuibili al mancato avvio del motore.
«È come se la Ferrari in Formula 1, non riuscisse a partire dalla pole perché... non si è deciso che la deve pilotare.»
 
È bastà, ve digo la verità, en giro de bianchi offerti dal Claudio che quel dì el compìva i ani, per passar subit da sti discorsi al fatto che 'l Sinner, el rosso de l'Alto Adige, el n'ha fat vinzer la Copa Devis de tennis.
Però ala fim, binà su le ultime patatine per «sugàr su» el vim, sém restài mì e 'l Danilo. Che 'l m'ha vardà en maniera strana e dopo...
«Tèi, Cornelio, mi no ho dit gnent prima perché no so gnanca mì come pensarla... Però, dai, hat vist che i tabelóni de alumini dele ultime eleziom ì è ancora piantài nel viale vers la ciésa de Bolognàm?
«Eco, varda, secondo mi ném ancora a votar sàt... ah no, no i gh'en vèi fòra stavolta....»