Al stròf – Di Cornelio Galas

>
Temp fa i m’ha envidà
a quele zène
con quei che no ghe vede…
Sì, tuti al stròf.

De colpo te devi
emparar
anca a trovar el pirom
el mantim
a no meter el cuciar
nel nas,
a scoltar bem,
quel che i te dis.

Perchè no te vedi
pu n’ostrega.
Strof, strof, nero
come se la to televisiom
la se fussa brusada.

Bisogna provar
per capir
cosa suzede
Oh, no te ghe vedi pu
pu, pu, ostrega...
Ghera zent orba
da quando l’era nata.

Ma anca quei veci
che per zerte malatie
dala matina ala sera
i s’è trovai
en quele condiziom.

O anca zoveni,
brusai nei oci
da na disgrazia.
Som chi, davanti
al compiuter
e penso, ghe ripenso:

meti che no ghe veda pu
che deba dropàr
Come se ciàmelo... el brail.
Meti che no poda
pu vardar i me monti,
el me lac,
la me dona,
i me libri,
i boci che ride,
zent che te dà la mam.

Ma ti daréssit de volta
na màm, en pé, na recia
per tornar a vedér coi oci?
Quei che è deventà orbi
i gà en modo de parlar
che te dà tutmal paze.
Come quando Josè Feliciano
el cantéva «Che sarà».