La padèla róta – Di Cornelio Galas

Oh, no ghe par mai véra
de podér scoltàr
quel che i dis drio la porta.
El tei nota propri de tut
e po’ el gh’en zonta, se sa
anca de qualcòs de suo.

 
El tei tut denter, fin che l’è ora
Po’, dai busi, anca dale sfrìse
piam pianèl, vei fòra de tut...
Tei, sat che ‘l Bepi, el stralòcio
el ghe parla zamai ala Bice?
 
E no l’è en tut che do stimàne
che la so sposa i l’ha messa zo?
Ma hat vist che bel paltò
che la sfògia la Maria?
E la dìs che no la ghà
gnanca da magnar
 
E quel dotor nof...
vegnù zo da Pèrzem
No l’ghà ancora en sito
dove naràlo a dormir?
 
Ma ti varda el Gino
co la machina granda
che ‘l vive da sol
quanti sentài sprecai…
 
Passa 'l temp: 'ndì, suzéde
che ‘sta padela rota
la resta sul foch
pu del so temp giust.
Aiuto, aiuto, la gòsa
ciamé i pompieri
 
E quel al centralim:
«Mi ghe mando
i òmeni, co le scale
e le pompe, però, siora
la me faga en piazér
prima de parlar
drio tuti i cantoni
la vegna chi da mi
no sem coioni,
la ghe diga grazie
al Carlo, al Gigi
e anca al Tòni
e la domanda a lori
tuti i so perdóni.
 
Perchè se no la ‘l sa
l’è ani che demò
con quel che l’ha dit en giro
nessuni pu ghe stà
no sol a darghe na mam
ma gnanca na biro...